ՌԵՍՏՈՐԱՆՆԵՐ
ԱԶԳԱՅԻՆ ԽՈՀԱՆՈՑ
Պետք է փորձել
Խաշ
Խաշը հեղուկ տաք ապուր է, հնագույն հայկական ուտեստներից մեկը։ «Խաշ» անվանումը առաջացել է հայերեն «խաշել» բառից, նույն բառից են առաջացել նաև այլ կերակրատեսակների անվանումները (խաշլամա, խաշու, խաշիլ)։ Հայ գրականության մեջ արգանակը «խաշոու» կամ «խաշոյ» անվանումով հիշատակվում է 11-րդ դարից, առաջին անգամ՝ Գրիգոր Մագիստրոսի կողմից «Ջերմանց մխիթարություն» աշխատության մեջ։
Խաշ պատրաստելը մի ամբողջ ծես է, երբ տղամարդիկ հավաքվում են երեկոյան և ամբողջ գիշեր եփում են ուտեստը ցածր կրակի վրա։
Խաշի պատրաստման մեջ հիմնականում օգտագործվում են տավարի ոտքեր։ Ուտեստն ավանդաբար ուտում են վաղ առավոտյան՝ մինչև նախաճաշը կամ նրա փոխարեն և տարվա ցուրտ եղանակին՝ աշնանը, ձմռանը և գարնան սկզբում։ Հայաստանում մսային ուտեստների սիրահարներն անհամբեր սպասում են անվանման մեջ «ր» տառը պարունակող ամիսներին` սեպտեմբերից ապրիլ։

ԱԶԳԱՅԻՆ ԽՄԻՉՔՆԵՐ
Պետք է փորձել
Հայկական կոնյակ՝ հավերժական ավանդույթ
Հայկական կոնյակը պատրաստվում է Արարատյան դաշտում աճեցված ընտիր խաղողից։ Այս թունդ ալկոհոլային խմիչքը պատմականորեն հայտնի է ամբողջ աշխարհում իր բարձր որակով, անհավատալի համով և լավագույն ավանդույթներով:
Հայկական կոնյակի պատմությունը սկսվում է 19-րդ դարից, երբ մի խումբ հայ վաճառականներ որոշեցին սկսել արտադրել կոնյակի սեփական տարբերակը՝ ոգեշնչված ֆրանսիական կոնյակի պատրաստման գործընթացից։ Օգտագործելով տեղական խաղողը և թորման ավանդական մեթոդները՝ նրանք ստեղծեցին յուրահատուկ և բարձր որակի հայկական ոգելից խմիչք։
