ԲԱՐԵՐ, ՓԱԲԵՐ, ԱԿՈՒՄԲՆԵՐ
Եթե երեկոյան Ձեզ անհրաժեշտ է հանգստանալ, վայելել սիրելի ըմպելիքը և մոռանալ կենցաղային գործերը, ապա Երևանը, բացի հարուստ մշակույթային կյանքից և համեղ խոհանոցից, Ձեզ կապահովի հաճեիլ ժամանցով: Երիտասարդների գիշերային կյանքը հիմնականում անցնում է բարերում և փաբերում է, որտեղ Դուք կարող եք համտեսել տեղական համեղ գարեջուր, գինի և զովացուցիչ ըմպելիքներ:
Երևանյան բարերն ու փաբերը հիմնականում գտնվում են քաղաքի փոքր կենտրոնում՝ Փարպեցի, Պուշկին, Սարյան և Թումանյան փողոցներում՝ «Բարերի և փաբերի թաղամասում»: Փաբեր և բարեր կան նաև Կասկադի հարակից տարածքում և Աբովյան փողոցում։ Քանի որ օբյեկտները միմյանց մոտ են գտնվում, մեկից մյուսն անցնելով, վստահաբար կգտնեք Ձեր ճաշակին համահունչ վայր: Օտարերկրացիներին ամենուր շատ ջերմ են դիմավորում, և յուրաքանչյուր օբյեկտ ունի անգլերեն լեզվով ճաշացանկ:
Երևանում փաբերն ավելի տարածված են, քան գիշերային ակումբները: Փաբերը հարմարավետ են, աշխույժ և միշտ մարդաշատ և միաժամանակ անվտանգ։ Ի դեպ, ծխելը Երևանի բոլոր փակ տարածքներում արգելված է։ Փաբերն ու բարերը բաց են ամբողջ գիշեր՝ ապահովելով տեղական և միջազգային դիջեյների տարբեր ժանրերի որակյալ երաժշտություն:
Հեշտ է հայտնվել «Բարերի և փաբերի թաղամասում», սակայն դժվար է թողնել այն: Բարի՜ ժամանց:
ԱԶԳԱՅԻՆ ԽՈՀԱՆՈՑ
Պետք է փորձել
Վայելելով հայկական ամառային տոլման. թարմացնող սեզոնային հյուրասիրություն
Հայկական խոհանոցը համերի և բույրերի հաճելի և յուրահատուկ խառնուրդ է, որի վրա մեծ ազդեծություն է թողել երկրի հարուստ պատմությունը և մշակութային բազմազան ժառանգությունը: Ամառային ամիսներին աչքի ընկնող ուտեստներից մեկը հայկական ամառային տոլման է։
Ավանդական տոլմայի թարմացնող և բուրավետ այս տարբերակը պատրաստված է թարմ ամառային բանջարեղենից, ինչպիսիք են սմբուկը, բուլղարական պղպեղը և լոլիկը՝ լցոնված բրնձի, խոտաբույսերի և համեմունքների համեղ խառնուրդով: Այնուհետև տոլմաները շոգեխաշում են բուրավետ սոուսի մեջ՝ մինչև փափկ ու հյութալի դառնալը։
ԱԶԳԱՅԻՆ ԽՄԻՉՔՆԵՐ
Պետք է փորձել
Հայկական բուսական թեյ՝ համեղ և բուժիչ ավանդույթ
Հայաստանը պատմությամբ, մշակույթով և ավանդույթներով հարուստ երկիր է, և այդ ավանդույթներից մեկը բուսական թեյի օգտագործումն է բուժման և առողջության համար: Հայկական բուսական թեյը համեղ և անուշաբույր ըմպելիք է, որը դարեր շարունակ օգտագործվել է տարբեր հիվանդություններ բուժելու և ընդհանուր առողջությունը խթանելու համար:
Բուսական թեյերը կարող են պատրաստվել թարմ կամ չոր ծաղիկներից, մրգերից, տերևներից, սերմերից կամ արմատներից: Ամենաշատ սպառվող թուրմերն են՝ ուրցի, վայրի և ընտանի անանուխի, լորենու, նռան ծաղիկների, նռան չորացրած կեղևի և այլն։ Տերևներն ու ծաղիկները հավաքում են հատուկ ժամանակաշրջանում, լվանում, չորացնում են արևի տակ և պահում ողջ տարվա ընթացքում։ Տեղացիների ամենասիրելիներից մեկը դաղձով կամ ուրցով թուրմն է, կամ էլ՝ երկուսը միասին:
