ԲԱՑԱՀԱՅՏԻ՛Ր ԵՐԵՎԱՆԸ


Բարի՜ գալուստ աշխարհի ամենահին քաղաքներից ամենաերիտասարդը:

Բարի գալուստ Երևան՝ Հայաստանի Հանրապետության մայրաքաղաք:

Երևանը տոնական գունապնակ է տարվա ցանկացած եղանակին: Այստեղ զբոսաշրջության համար բարեհաջող է ողջ տարին. ձմեռը մեղմաշունչ է, գարունը գունեղ, ամառը տոնական, իսկ աշունը՝ երկար և տաք:

Երևանում կողք կողքի համատեղվում են հեռավոր անցյալն ու աշխույժ ներկան: Այստեղ կարելի է գտնել ինչպես դարերի պատմություն ուեցող եկեղեցիներ և պատմամշակութային կոթողներ, թանգարաններ և պատկերասրահներ, այնպես էլ տեսարժան և ժամանցի ժամանակակից վայրեր՝ ակումբներ, ռեստորաններ, պանդոկներ, բարեր, մանկական զվարճանքի գոտիներ, առևտրի կենտրոններ, վարդագույն զարդաքանդակներով հրապարակներ ու սաղարթախիտ այգիներ ու պուրակներ… Ջազը, ռոքը, ժողովրդական ու դասական երաժշտությունն, ազգային պարերը, եկեղեցական, զվարճանքի և մշակութային միջոցառումներն ու փառատոնները, փողոցում մեծից փոքր իրար ջրող և մինչև վերջին թելը թրջված երջանիկ մարդիկ ձեր շրջագայությունը կդարձնեն անմոռանալի... Իսկ բազմազան համային երանգներով հարուստ հայկական ազգային խոհանոցն ու ըմպելիքները բացահայտում կլինեն, անգամ, առավել բծախնդիր գուրմանների համար:

Երևանցիները սիրում են կյանքը, առիթ և անառիթ խնջույքները, հարսանեկան արարողությունները, իսկ հայկական հյուրընկալությունն անսահման է: Մի զարմացեք և մի հրաժարվեք, եթե ձեզ անսպասելիորեն հրավիրեն իրենց տուն՝ ուրախությունը շարունակելու և բաց թողնեն նվերներով: Այստեղ գիտեն՝ ինչպես երջանկացնել: 

Այնպես որ, եթե սիրում եք ճանապարհորդել, ձեր հիշողությունների հավաքածուն, անկասկած, թերի կլինի առանց երևանյան ջերմ տպավորությունների: Բիբլիական Արարատի շքեղ համայնապատկերով արևային Երևանը սիրով սպասում է ձեզ:

ՊԵՏՔ Է ՏԵՍՆԵԼ


Ի՞նչ տեսնել Երևան առաջին ուղևորության ժամանակ

Մատենադարան

Մեսրոպ Մաշտոցի անվան Հին ձեռագրերի պահպանման և ուսումնասիրության կենտրոն: Մատենադարանում է գտնվում հին հայկական ձեռագրերի աշխարհի ամենամեծ հավաքածուներից մեկը։

Կասկադ համալիր Երևանում

Կասկադը քաղաքի իսկապես հոյակապ հատվածներից մեկն է, որտեղ արվեստը, քաղաքային աշխույժ կյանքը և ճարտարապետությունը, կանաչ տարածքները հիանալի միաձուլվում են իրար:

Սուրբ Գրիգոր Լուսավորիչ մայր եկեղեցի

Հայ Առաքելական եկեղեցիներից ամենամեծն է աշխարհում: Նվիրված Հայաստանում քրիստոնեությունը պետական կրոն հռչակելու 1700-ամյակին:

Ալ.Սպենդիարյանի անվ. օպերայի և բալետի ազգային ակադեմիական թատրոն

Օպերայի և բալետի թատրոնն իր ուրույն տեղն է զբաղեցնում մայրաքաղաքի կյանքում։ Երևանի հենց կենտրոնում գտնվող թատրոնը մշակութային կենտրոն է և մայրաքաղաքի ճարտարապետական ​​հաղթանակներից մեկը։

Հանրապետության հրապարակ

Հանրապետության հրապարակը Երևանի կենտրոնական քաղաքային հրապարակն է և մայրաքաղաքի գլխավոր ճարտարապետական ​​համալիրներից մեկը:

Սուրբ Հովհաննես Մկրտիչ եկեղեցի

Կոնդի բարձունքին` մեծ երկրաշարժից խոնարհված միջնադարյան եկեղեցու տեղում, 1710 թ. կառուցվել է Սուրբ Հովհաննես Մկրտիչ եկեղեցին:

Հայաստանի Պատմության Թանգարան

Հայաստանի պատմության թանգարանի առաքելությունն է Հայաստանի և հայ ժողովրդի պատմությունն ու մշակույթը ներկայացնող թանգարանային առարկաների և հավաքածուների պահպանումը, համալրումը, ուսումնասիրումը և հանրահռչակումը:

Սուրբ Սարգիս եկեղեցի

1453 թվականին կառուցված Ձորագյուղի ծխական եկեղեցու փոքրիկ մատուռում աղոթում էին կաթողիկոսն ու սուրբը:

Երևան դարձած իմ Էրեբունի,
Դու մեր նոր Դվին, մեր նոր Անի,
Մեր փոքրիկ հողի դու մեծ երազանք,
Մեր դարե կարոտ, մեր քարե նազանք:

Երևան դարձած իմ Էրեբունի,
Դարեր ես անցել, բայց մնացել ես պատանի,
Քո Մասիս հորով, քո Արաքս մորով,
Մեծանաս դարով, Երևան:

Պարույր Սևակ

Երևանում

ԹՈՓ
Card image cap
«Երեկոյան Երևան» երթուղի


Բացի ամենօրյա կանոնավոր երթուղիներից, Հանրապետության հրապարակից գործում է «Երեկոյան Երևան» տուրը:

Ընտանեկան
Խումբը՝ 8-50 անձ
Զբոսավար

շուրջ
5000AMD
մեկ անձի համար
ԹՈՓ
Card image cap
ԵՐԵՎԱՆ ՍԻԹԻ ՏՈՒՐ


Բաց տանիքով երկհարկանի ավտոբուսն առաջարկում է ֆանտաստիկ տեսարաններ և հիանալի մթնոլորտ Երևանը վայելելու համար:

Ընտանեկան
Խումբը՝ 8-60 անձ
Աուդիոգիդ

շուրջ
1500-5000AMD
մեկ անձի համար
ԹՈՓ
Card image cap
«ԿՐՈՆԱԿԱՆ ՏՈՒՐ» ԵՐԹՈՒՂԻ


Երևանի հին և նոր եկեղեցիները, քրիստոնեական հուշարձանները և Հայ առաքելական եկեղեցու հարուստ պատմությունը այս շրջագայության մեջ:

Ընտանեկան
Խումբը՝ 8-15 անձ
Զբոսավար

շուրջ
5000AMD
մեկ անձի համար
ԹՈՓ
Card image cap
«ՀԻՆ ԵՐԵՎԱՆ» ԵՐԹՈՒՂԻ


1 ժամ 45 րոպե տևողությամբ հետաքրքիր երթուղի հին Երևանով:

Ընտանեկան
Խումբը՝ 8-25 անձ
Զբոսավար

շուրջ
4000AMD
մեկ անձի համար
Aram MP3 at Mezzo
«Mezzo» երաժշտական ակումբ
Live music
Ավ. Իսահակյան փող. 28
+374 98 206 206
5000-25000 AMD
Փետրվար 28
Չրք 21:00
Հոբելյանական համերգ Արամ Ասատրյանի հիշատակին
Կարեն Դեմիրճյանի անվան Մարզահամերգային համալիր
Ծիծեռնակաբերդի զբոսայգի, 1 շենք
+37410 399 955, +37410 393 900
2000-60000 AMD
Մարտ 03
Կրկ 19:00
Կանանց տոնը Ռիշար Գալիանոի հետ
«Արամ Խաչատրյան» համերգասրահ
Մ.Մաշտոցի պող. 46
+37410 560 645
Մարտ 08
Ուրբ 19:00