ԲԱՑԱՀԱՅՏԻ՛Ր ԵՐԵՎԱՆԸ

Բարի՜ գալուստ աշխարհի ամենահին քաղաքներից ամենաերիտասարդը:

Բարի գալուստ Երևան՝ Հայաստանի Հանրապետության մայրաքաղաք:

Երևանը տոնական գունապնակ է տարվա ցանկացած եղանակին: Այստեղ զբոսաշրջության համար բարեհաջող է ողջ տարին. ձմեռը մեղմաշունչ է, գարունը գունեղ, ամառը տոնական, իսկ աշունը՝ երկար և տաք:

Երևանում կողք կողքի համատեղվում են հեռավոր անցյալն ու աշխույժ ներկան: Այստեղ կարելի է գտնել ինչպես դարերի պատմություն ուեցող եկեղեցիներ և պատմամշակութային կոթողներ, թանգարաններ և պատկերասրահներ, այնպես էլ տեսարժան և ժամանցի ժամանակակից վայրեր՝ ակումբներ, ռեստորաններ, պանդոկներ, բարեր, մանկական զվարճանքի գոտիներ, առևտրի կենտրոններ, վարդագույն զարդաքանդակներով հրապարակներ ու սաղարթախիտ այգիներ ու պուրակներ… Ջազը, ռոքը, ժողովրդական ու դասական երաժշտությունն, ազգային պարերը, եկեղեցական, զվարճանքի և մշակութային միջոցառումներն ու փառատոնները, փողոցում մեծից փոքր իրար ջրող և մինչև վերջին թելը թրջված երջանիկ մարդիկ ձեր շրջագայությունը կդարձնեն անմոռանալի... Իսկ բազմազան համային երանգներով հարուստ հայկական ազգային խոհանոցն ու ըմպելիքները բացահայտում կլինեն, անգամ, առավել բծախնդիր գուրմանների համար:

Երևանցիները սիրում են կյանքը, առիթ և անառիթ խնջույքները, հարսանեկան արարողությունները, իսկ հայկական հյուրընկալությունն անսահման է: Մի զարմացեք և մի հրաժարվեք, եթե ձեզ անսպասելիորեն հրավիրեն իրենց տուն՝ ուրախությունը շարունակելու և բաց թողնեն նվերներով: Այստեղ գիտեն՝ ինչպես երջանկացնել:

Այնպես որ, եթե սիրում եք ճանապարհորդել, ձեր հիշողությունների հավաքածուն, անկասկած, թերի կլինի առանց երևանյան ջերմ տպավորությունների: Բիբլիական Արարատի շքեղ համայնապատկերով արևային Երևանը սիրով սպասում է ձեզ:

ՊԵՏՔ Է ՏԵՍՆԵԼ

Ի՞նչ տեսնել Երևան առաջին ուղևորության ժամանակ

ՄԵՍՐՈՊ ՄԱՇՏՈՑԻ ԱՆՎԱՆ ՀԻՆ ՁԵՌԱԳՐԵՐԻ ԳԻՏԱՀԵՏԱԶՈՏԱԿԱՆ ԻՆՍՏԻՏՈՒՏ (ՄԱՏԵՆԱԴԱՐԱՆ)

1957 թ․

Կասկադ համալիր Երևանում

Կասկադը քաղաքի իսկապես հոյակապ հատվածներից մեկն է, որտեղ արվեստը, քաղաքային աշխույժ կյանքը և ճարտարապետությունը, կանաչ տարածքները հիանալի միաձուլվում են իրար:

ԵՐԵՎԱՆԻ ՍԲ. ԳՐԻԳՈՐ ԼՈՒՍԱՎՈՐԻՉ ՄԱՅՐ ԵԿԵՂԵՑԻ

1996-2001 թթ.

ԱԼԵՔՍԱՆԴՐ ՍՊԵՆԴԻԱՐՅԱՆԻ ԱՆՎԱՆ ՕՊԵՐԱՅԻ ԵՎ ԲԱԼԵՏԻ ԱԶԳԱՅԻՆ ԱԿԱԴԵՄԻԱԿԱՆ ԹԱՏՐՈՆ, «ԱՐԱՄ ԽԱՉԱՏՐՅԱՆ» ՄԵԾ ՀԱՄԵՐԳԱՍՐԱՀ (ԺՈՂՈՎՐԴԱԿԱՆ ՏՈՒՆ)

1930-1947 թթ.

ՀԱՆՐԱՊԵՏՈՒԹՅԱՆ ՀՐԱՊԱՐԱԿ

1926-1940 թթ.

ԵԿԵՂԵՑԻ ԿՈՆԴԻ ՍԲ ՀՈՎՀԱՆՆԵՍ ՄԿՐՏԻՉ

1706-1710 թթ․

Հայաստանի Պատմության Թանգարան

Հայաստանի պատմության թանգարանի առաքելությունն է Հայաստանի և հայ ժողովրդի պատմությունն ու մշակույթը ներկայացնող թանգարանային առարկաների և հավաքածուների պահպանումը, համալրումը, ուսումնասիրումը և հանրահռչակումը:

ԵԿԵՂԵՑԻ ՍԲ ՍԱՐԳԻՍ

1835-1842 թթ․, 1971-1976 թթ․

Երևան դարձած իմ Էրեբունի,
Դու մեր նոր Դվին, մեր նոր Անի,
Մեր փոքրիկ հողի դու մեծ երազանք,
Մեր դարե կարոտ, մեր քարե նազանք:

Երևան դարձած իմ Էրեբունի,
Դարեր ես անցել, բայց մնացել ես պատանի,
Քո Մասիս հորով, քո Արաքս մորով,
Մեծանաս դարով, Երևան:

Պարույր Սևակ