ՌԵՍՏՈՐԱՆՆԵՐ
PAUL
130 տարվա ավանդույթն ու նորարարությունը միավորած ֆրանսիական հանրահայտ «PAUL» ցանցի առաջին հայաստանյան սրճարան-ռեստորանը բացվել է Երևանի հնագույն շենքերից մեկում, իր հետ բերելով հարյուրամյա պատմության ընթացքում ձևավորված լավագույն ավանդույթները և բաղադրատոմսերը։
«PAUL»-ը համադրում է հին Երևանի ճարտարապետությունն ու Ֆրանսիական հացաբուլկեղենի մշակույթը:
Սրճարանին կից գործում է նաև ռեստորանային հատված, որտեղ ներկայացված են ֆրանսիական խոհանոցի նրբաճաշակ ուտեստները։ Նպատակը՝ համեղ սնունդ մատուցելուց բացի, հայ այցելուին բոլորովին նոր խահանոցի և մոտեցումների հետ ծանոթացնելն է։
Առաջին «PAUL»-ը հիմնադրվել է հեռավոր 1889 թվականին որպես հացաբուլկեղենի խանութ, այնուհետև դարձել սրճարանային ոլորտի ամենամեծ ցանցերից մեկը։
«PAUL»-ը միայն հացաբուլկեղենի մասին չէ, այն իր մեջ մի ամբողջ փիլիսոփայություն է կրում: Լինելով ընտանեկան բիզնես՝ այն հիմնված է ավանդույթների և արժեքների պահպանման վրա:
