ՊԱՏՄԱՄՇԱԿՈՒԹԱՅԻՆ ՇԵՆՔԵՐ

XX դ. սկիզբ

Պետ. ցուցիչ՝ 1.6.200.4

Տունը գտնվում է Տիգրան Մեծի (նախկինում՝ Հին Կազարմայի, ապա՝ Հոկտեմբերյան) պողոտա 11 հասցեում:

Նախնական հորինվածքը ներկայացնում է ուղղանկյուն հատակագծով միահարկ շինություն՝ բաղկացած միջանցքի շուրջ երկշար դասավորված սենյակների համակարգից: Գլխավոր ճակատը դիրքորոշված է արևմուտք: Ճակատի հարթությունը ջլատված է 6 ուղղանկյուն բացվածքներով, որոնցից ձախակողմյան երրորդը մուտքն է: Բացվածքներն եզերված են եզրակալներով: Հարդարանքի տարրերից է ատամնաշարով ձևավորված քիվը:

Ճակատն իրականացված է սև սրբատաշ տուֆի շարվածքով: Ծածկը փայտից է, տանիքը՝ թիթեղից:

1950-ական թթ. հյուսիսային ճակատին ավելացվել է կցակառույց, կառուցվել է տան երկրորդ հարկը, սակայն նրա ճարտարապետական լուծումն անհարիր է առաջին հարկի հետ: 

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան