ՊԱՏՄԱՄՇԱԿՈՒԹԱՅԻՆ ՇԵՆՔԵՐ

1952 թ.

Պետ. ցուցիչ՝ 1.6.152

Ճարտարապետ՝ Գրիգոր Աղաբաբյան

Կոնստրուկտոր՝ Հ. Առաքելյան

Շուկայի շենքը գտնվում է Մ. Մաշտոցի պողոտա, 3ա հասցեում: Կառուցվել է 1952 թ., ՀԽՍՀ առևտրի մինիստրության պատվերով:

Շուկայի շենքը (մինչև վերանորոգումը) եռաստիճան սրահ է՝ ընդգծված կենտրոնական նավով: 70 մ երկարությամբ և 32 մ լայնությամբ գլխավոր սրահը ծածկված է 19 երկաթբետոնե թաղակիր կամարներով, որոնք հաջորդում են միմյանց յուրաքանչյուր 4 մ-ը մեկ: Կամարները գեղարվեստական լուծում են ստացել ռիթմիկ փոքրացող կամարիկների օգնությամբ, որոնք կառուցվածքին տալիս են թեթևություն և հարստացնում են ներքին տարածությունը: Կողային նավերը երկհարկ են, ուր տանում են լայն աստիճանները:

Դեպի պողոտա կողմնորոշված գլխավոր ճակատը լուծված է հզոր կամարակապ մուտքով: Գլխավոր մուտքը ձևավորված է մետաղական վիտրաժով, շարժական դռնով, ազգային զարդամոտիվներով:

Շուկայի ներսում եղել է փոքրիկ շատրվանով ջրավազան, որտեղ մետաղադրամ գցելու ավանդույթ կար:

Զբաղեցրած տարածքը 2300 քառ. մ է: Չափերն  են՝ 42 x 92 մ, շինանյութը՝ երկաթբետոն, տուֆ:

2012-2013 թթ. հիմնանորոգվել է, ներսը՝ վերա­փոխվել: 2014-ից գործում է իբրև «Երևան սիթի» առևտրի կենտրոն: 

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան