ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Նկարչուհի, ազգագրագետ, ՀՀ մշակույթի վաստակավոր գործիչ Լուսիկ Ագուլեցու տուն-թանգարանում ցուցադրվում են բացառիկ ազգագրական նմուշներ, որոնք օգտագործում էին հայերն իրենց կենցաղում։

Տունը, որտեղ երկար տարիներ ապրել և ստեղծագործել է ազգագրագետ, նկարչուհի Լուսիկ Ագուլեցին, նրա ընտանիքի անդամների (ամուսինը քանդակագործ Յուրի Սամվելյանն է) նախաձեռնությամբ և «Ագուլեցի» հիմնադրամի աջակցությամբ 2019 թ. դարձել է թանգարան:

Լուսիկ Ագուլեցու հավաքածուն ժամանակի ու տարածության յուրօրինակ խաչմերուկ է: Ագուլեցին տարիներ շարունակ մոռացությունից ու կորստից  փրկել և նոր կյանք է տվել մշակութային տարբեր արժեքների: Նա սեփական օրինակով ձևավորեց տարազ կրելու մշակույթ՝ ստեղծելով տոնածիսական մշակույթի յուրատիպ հավաքածու, որը եզակի է  Հայաստանում։

ԱՅՑԵԼՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ

Լուսիկ Ագուլեցու թանգարանում ցուցադրված են հայկական և տարբեր տարածաշրջանների ժողովուրդների մշակութային արժեքներ ներկայացնող  ցուցանմուշներ՝ հնատիպ իրեր, կահույք, կահ-կարասի, խեցեղեն, գորգեր, գրքեր, զարդեր և այլն, որոնք օգտագործում էին հայերն իրենց կենցաղում։ Հատկանշական է այն, որ բոլոր իրերը ձեռք են  բերվել հայ ընտանիքներից։

Տուն-թանգարանին կից գործում է արտ-սրճարան, որտեղ ներկայացված են հայկական մշակույթի կարևոր մաս կազմող խոհանոցն իր ամբողջ հարստությամբ ու բազմազանությամբ: Այստեղ հյուրերին առաջարկում են նաև ուտեստներ Ագուլեցու ընտանեկան բաղադրատոմսերից։

ԺԱՄԵՐԸ ԵՎ ՄՈՒՏՔԸ

Թանգարան
Երկուշաբթիից կիրակի՝ 12:00-19:00

Սրճարան
Երկուշաբթիից կիրակի՝ 11:00-22:00

ՄՈՒՏՔ

Մեծահասակներ - 1500 դրամ
Դպրոցականներ - 700 դրամ
Ուսանողներ, թոշակառուներ - 1000 դրամ
Օտարերկրյա քաղաքացիներ - 2500 դրամ

ԷՔՍԿՈՒՐՍԻԱՆԵՐ

Հայերեն - 3000 դրամ
Օտար լեզուներ –  4000 դրամ

ՎԱՐՊԵՏԱՑ ԴԱՍԵՐ

Ցորենով կենաց ծառի հյուսում – 1500/2500 դրամ (անհատական/20+ խմբեր)
Կտորե պայուսակի վրա նկարչություն – 6000/7000 դրամ (անհատական/20+ խմբեր)
Խեցեգործություն - 7000 դրամ
Թելերով տիկնիկի պատրաստում – 5000/6000 դրամ (անհատական/20+ խմբեր)
Թելերով ճակատանոցի պատրաստում- 1500/2500 դրամ (անհատական/20+ խմբեր)
Բարեկենդանի դիմակների պատրաստում - 2000/2500 դրամ (անհատական/20+ խմբեր)
Գիպսե ձվերի վրա նկարչություն - 2500 դրամ
Խաղ-ծանոթություն ծեսերին - 500/1000 դրամ (հայերեն/օտար լեզուներ) 
Ազգային երգերի ուսուցում կիթառով – 30 000 դրամ
Դասական երաժշտություն և կատարում – 70 000 դրամ
Բոլոր նյութերը տրամադրում է թանգարանը:

ՍՆՆԴԱՅԻՆ ՎԱՐՊԵՏԱՑ ԴԱՍԵՐ

Գաթայի պատրաստաում գաթանախշի օգնությամբ – 1500/2500 դրամ
Ասիլ - վասիլների պատրաստում (ծիսական տիկնիկներ խմորից) – 1500/2000 դրամ
Տոլմա - 6000 դրամ
Վանա մշոշ - 3500 դրամ
Թոփիկ - 3500 դրամ
Ագուլիսյան - 6000 դրամ
Ղափամա - 3500 դրամ
Խուրջին – 6000 դրամ
Թոնրի լավաշի թխում (պանիր,վարունգ, լոլիկ) - 3500 դրամ

ԼՈՒՍԱՆԿԱՐԱՀԱՆՈՒՄ

Մեկ տարազի տրամադրումը թանգարանի տարածքում մեկ ժամվա համար – 15 000 դրամ (առանց լուսանկարչի ծառայության):
Տրամադրվում է նաև լուսանկարչի ծառայություն՝ ըստ ցանկության: