ԵՐԵՎԱՆԻ ԺԱՄԱՆԱԿԱԳՐՈՒԹՅՈՒՆԸ
1956
Ներկայիս Երևանի երկաթուղային կայարանի շենքը կառուցվել է 1956 թվականին, բացումը տեղի է ունեցել հուլիսի 22-ին։
Ճարտարապետ՝ Էդմոնդ Տիգրանյան
Կառուցման տարիներ՝ 1952-1955 թթ.
Շինարարության ընթացքում միութենական հանրապետությունների շինարարներին ուղղված Խրուշչովի քննադատության և ճարտարապետական լուծումներում ավելորդությունները վերացնելու որոշման հտևանքով Երևանի երկաթուղային կայարանի շենքը բացվեց առանց հայտնի աշտարակի և այն զարդարող սայրի։
Միայն 10 տարի անց աշտարակի կառուցումը վերջնականապես ավարտվեց՝ ամբողջական տեսք տալով շինությանը` ճարտարապետի մտահղացմանը համահունչ։
Հենց այս տեսքով է շենքը պատկերված Երևանի մասին բազմաթիվ բացիկների, գրքերի և բուկլետների վրա։ Սա զարմանալի չէ, քանի որ մինչև 1960-ականների կեսերը հյուրերի մեծ մասը Խորհրդային Հայաստանի մայրաքաղաք էր ժամանում գնացքով։ Իսկ այսօր կայարանի շենքը շարունակում է մնալ քաղաքի խորհրդանիշներից մեկը։
1970-ական թվականներին Կայանի տարածքում կար ռեստորան, մոր և մանկան սենյակ, հյուրանոց, խանութներ, թերթի կրպակ։
Երևանի կայարանի շինությունը դարձել է աշխարհում թղթադրամների վրա երկաթուղային կայարանների պատկերման եզակի դեպքերից մեկը։ 1993-2004 թթ. կայարանը պատկերված էր հայկական «10» դրամանոց թղթադրամի վրա:
2009 թվականի հուլիսի 31-ին կայարանում բացվեց Հայաստանի երկաթուղու թանգարանը։
Սեղմելով հղման վրա՝ կգտնեք շենքի անձնագիրը, որը տրամադրվել է Հայաստանի մշակույթի նախարարությանն առընթեր Մշակութային և պատմական ժառանգության գիտահետազոտական կենտրոնի կողմից։
«Հարավկովկասյան երկաթուղի» ՓԲԸ 2008 թվականից հանդիսանում է հայաստանյան երկաթուղիների կառավարիչ: Ընկերությունը տրամադրում է երկաթուղային բեռնա- և ուղևորափոխադրումների ամբողջական ծառայություններ:
Տոմսեր՝
Տոմսերի արժեքը և հասանելիությունը կարելի է ճշտել պաշտոնական կայքում կամ զանգահարելով ստորև նշված հեռախոսահամարներով:
Տոմսի արժեքը ներառում է անկողնային պարագաներ, ապահովագրություն և միջնորդավճար:
Մինչև 5 տարեկան երեխաները ճանապարհորդում են անվճար՝ առանց առանձին նստատեղի։
5-ից 10 տարեկան երեխաներին հասանելի է մանկական տոմս։
Ուղևորափոխադրում
Ընդհանուր՝ 1-84
Երևան` +374-60-463-284
Գյումրի`+374-312-51-002
Վանաձոր` +374-322-21-009
Տնօրինություն՝ +374-60-463-440
էլ. փոստ՝ info@railway.am
Բեռնափոխադրում
Ընդհանուր համար՝ +37410-572-722
էլ. փոստ՝ ctu@railway.am
Պաշտոնական կայք՝ https://www.railway.am
Զանգերի կենտրոնի աշխատանքային ժամերը՝ 09:00 - 18:00
