ՊԱՏՄԱՄՇԱԿՈՒԹԱՅԻՆ ՇԵՆՔԵՐ

XIX դ.

Պետ. ցուցիչ՝ 1.7.18.3

Դալմայի այգու հյուսիսային մասում է՝ մեղմաթեք հարթության վրա՝ բրոնզ-երկաթեդարյան դամբանաթմբից ոչ հեռու: Կառուցվել է XIX դ., երբ Երևանի պարսից վերջին սարդար Հուսեյն Ղուլի խանի օրոք (1807-1828 թթ.) վերագործարկվել է Դալմայի ջրանցքը, հիմնվել են նոր այգիներ, նոր թափ են ստացել խաղողագործությունն ու գինեգործությունը, կառուցվել են բազմաթիվ հնձաններ ու մառաններ:

N 2 հնձանն ունի հյուսիս-հարավ ձգվածությամբ, 5,8 x 3,7 մ արտաքին չափերով ուղղանկյուն հատակագիծ: Մուտքը հյուսիսից է: Պատերը կիսաքանդ են, ունեցել է թաղակապ ծածկ: Արևելյան պատին կան եռանկյունաձև փոքր խորշեր: Կառուցված է ստորին շարքերում տարբեր չափերի (բազալտ, տուֆ, կրաքար) անմշակ քարերից, վերիններում՝ աղյուսաչափ կարմիր տուֆի քարերից: Պատերին պահպանվել են կավածեփվածքի մնացորդներ: Սրահը լցված է փլատակներով:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան