ՊԱՏՄԱՄՇԱԿՈՒԹԱՅԻՆ ՇԵՆՔԵՐ

1895 թ.

Պետ. ցուցիչ՝ 1.6.203.7

Նախագծի հեղինակ՝ Երևանի նահանգային ինժեներ Միխայիլ Ֆոն դեր Նոննե

Շենքը գտնվում է Հանրապետության փող. 30 (2) հասցեում՝ Տիգ­րան Մեծի պողատայի և Փավստոս Բուզանդի փողոցի միջև ընկած թաղամասում: Կառուցված է Ֆոն դեր Նոննեի եկամտաբեր երկրոր­դ տան և Երևանի նահանգական վարչության շենքի միջև:

Տան նախագիծը քաղաքային վարչությունը հաստատել է 1895 թ. փետրվարին: Նույն թվականին իրականացվել է շինարարությունը: 1916 թ. Ֆոն դեր Նոննեի տները վաճառվել են Ալեքսանդր և Արտավազդ Ազիզյանցներին: 1923 թ. ազգայնացվել են, որից հետո առաջին շենքը տրվել է կուսակցական դպրոցին

Երկհարկ շենք է, նկուղով: Հատակագծում եռամաս կառույց է՝ կազմված հիմնական ծավա­լից, կողաշենքից և դեպի բակ թեթևակի արտահայտված նախասրահով և սանդղավանդակով հատ­վածից: Գլխավոր մասնաշենքը, նախասրահի հետ միասին ձգվում է փողոցի երկարու­թյամբ (27.6 մ): Ներսում՝ երկայնական միջանցքի երկու կողմերում կենտրոնացած են սենյակները, որոնց մի շար­քը դիրքորոշված է դեպի հյուսիս-արևմուտք (փողոց), մյուսը՝ դեպի հարավ-արևելք (բակ): Վերևի հարկում կա բարձակային պատշգամբ՝ դիրքորոշված դեպի փողոց:

Առաջին հար­կում ուղղանկյուն բացվածքները մշակված են կոպտատաշ քարով, երկրորդում եզերված են կան­թերով ուղղանկյուն շրջակալներով, որոնց վերևում բարձակները պահում են պատուհանի զարդաքիվերը: Ցայտուն արտահայտված պսակող քիվը հանգչում է երկրաչափական մոդուլյոն­ների վրա, որոնց միջև հերթագայում են կլոր և ուղղանկյուն տափակ բարձիկները: Ծոփորը սահ­մանագծված է ինքնատիպ շրջանակով: Լուսամուտատակի պատերը զարդարված են երկ­րա­չա­փական նախշերով: Ճակատի պատն ավարտվում է ելուստներով և խորշերով ջլատված ատտիկայով:

Այժմ շենքում են գտնվում ՀՅԴ Գերագույն մարմնի հայաստանյան գրասենյակը և «Սիմոն Վրացյան» կենտրոնը:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան