ՀՐԱՊԱՐԱԿՆԵՐ ԵՎ ԱՅԳԻՆԵՐ

1980

Վերանորոգումը՝ 2012 թ.

Գտնվում է Շենգավիթ վարչական շրջանում՝ Հովսեփյան փողոցի 10/1 հասցեում:

Հիմնադրվել է 1980-ական թթ., երբ Երևանի մետրոպոլիտենի Սպանդարյան (այժմ՝ Գարեգին Նժդեհ) կայարանի կառուցման ժամանակ Սուրեն Սպանդարյանի անվան հրապարակի շատրվաններով ջրավազանը տեղափոխել են փոքր-ինչ արևմուտք ընկած պուրակ:

Այստեղ է գտնվում Հայաստանյայց առաքելական եկեղեցու «Շողակաթ» հեռուստաընկերությունը, որտեղից էլ այգին ստացել է իր անունը:

Ամբողջովին վերանորոգվել է 2012 թ.: Նախագիծն իրականացվել է Երևանի քաղաքապետարանի հայտարարած ստեղծագործական ծրագրերի դրամաշնորհային բաց մրցույթի շնորհիվ:

Համալիր բարեկարգման շրջանակներում վերանորոգվել և վերագործարկվել են շատրվանները, փոխվել են անցուղիների եզրաքարերն ու սալիկները, տեղադրվել են նոր նստարաններ, գեղեցիկ քանդակներ, կառուցվել են բաց և փակ տաղավարներ, անցկացվել են ոռոգման նոր համակարգ և լուսավորության նոր ցանց, ստեղծվել են ծաղկանոցներ։

2023 թ. տեղադրվել է մեծ դաշնամուր, որը նվագում են ոտքերով:

Շողակաթ զբոսայգին համայնքի բնակիչների հանգստի սիրված վայրերից է:

 «Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան