ՍՊՈՐՏ
Պետ. ցուցիչ՝ 1.6.151
Ճարտարապետ՝ Ժաննա Մեշչերյակովա
Քանդակագործ՝ Դավիթ Երևանցի (Բաբայան)
Խեցեգործ, գեղանկարիչ` Հմայակ Բդեյան
Գտնվում է Օղակաձև զբոսայգում՝ Խանջյան փողոց, 50 հասցեում՝ Գետառի ափին:
Մայրաքաղաքի մարզական կարևորագույն օջախներից է։ 1970 թ. շենքի հիմնարկեքի առաջին քարը տեղադրել է շախմատի աշխարհի իններորդ չեմպիոն Տիգրան Պետրոսյանը։ Նախագծի հեղինակ՝ ճարտարապետ Ժաննա Մեշչերյակովա:
1984 թվականից կրում է անվանի շախմատիստի անունը։
Այս շենքում է գործում Հայաստանի շախմատի ֆեդերացիան։
Շենքի ծավալատարածական հորինվածքը պարզ է և արտահայտիչ: Կառույցն ունի շախմատային նավակ հիշեցնող անսովոր եռանկյունու ձև։ Ճակատները երեսապատված են Անիի սրբատաշ տուֆով:
Գեղարվեստական ձևավորման մեջ գլխավոր թեման շախմատն է: Ճակատները զարդարում են շախմատի յոթ, պղնձե խաղաքարերը։ Երկրորդ հարկի սրահի պատերը ձևավորված են շախմատային գունավոր խճանկարով:
Ներսում տեղադրված է Տիգրան Պետրոսյանի դիմաքանդակը (քանդակագործ՝
Արա Սարգսյան, 1965 թ., տեղադրվել է 2014 թ.): Տան հարևանությամբ կանգնեցված է նրա կիսանդրին (1989 թ., քանդակագործ` Արա Շիրազ, ճարտարապետ` Կարլեն Անանյան), ինչպես նաև՝ խաղաքարերի խեցեղեն օրինակներ (հեղինակ՝ խեցեգործ
Հմայակ Բդեյան):
Շախմատիստի կենտրոնական տունը խորհրդային մոդեռնիզմի ճարտարապետության գլուխգործոցներից և ճարտարապետ Ժաննա Մեշչերյակովայի (1929-2014) ամենահայտնի գործը:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
