ՀՐԱՊԱՐԱԿՆԵՐ ԵՎ ԱՅԳԻՆԵՐ
Գտնվում է Քանաքեռ-Զեյթուն վարչական շրջանում՝ Դավիթ Անհաղթի փողոցի վերջնամասում՝ Անհաղթի, Դրոյի և Ռուբինյանց փողոցներով սահմանազատված հատվածում:
Բաժանված է չորս հարթակների և տարբեր գործառնական գոտիների:
1985-1986 թթ. այգում տեղադրվել է նարնջագույն
տուֆից կերտված «Զեյթունցիներ» հարթաքանդակը (քանդակագործ՝ Արարատ Հովսեփյան, համահեղինակ՝ Վլադիմիր Աթանյան, ճարտարապետ՝ Էդուարդ Սաֆարյան):
Զբոսայգու մուտքի մոտ վաղ միջնադարի նշանավոր հայ փիլիսոփա Դավիթ Անհաղթի (V-VI դդ.) հուշարձանն է՝ տեղադրված սրբատաշ, գրանիտե պատվանդանին, 1985 թ.: Կերտված է բրոնզից: Բարձրությունը 3 մ է: Հեղինակներն են քանդակագործ Սերժ Մեհրաբյանը և ճարտարապետ Էդուարդ Սաֆարյանը:
2023
թ. սկսվել են զբոսայգու հիմնանորոգման աշխատանքները, որոնք իրականացվելու են երեք փուլով: Արդեն կանաչապատվել է 1 հա տարածք, ստեղծվել է բետոնե գեղարվեստական և գրանիտե սալիկներով սալահատակ, փոխվել են բազալտե եզրաքարերը, 1200
քառ. մ հողահատվածի վրա հիմնվել է ռետինե հատակով մանկական խաղահրապարակ,
տեղադրվել են նոր նստարաններ, վերականգնվել է լուսավորության ցանցը, կառուցվել են ջրավազաններ, վերակառուցվել են տրավետինե սալիկներով ու մոտ 270 քառ. մ մակերեսով ճեմուղիները։ Նախատեսվում է կառուցել երգող շատրվաններ, պահպանելով կասկադաձև հին շատրվանները:
Այգու բարեկարգման աշխատանքները շարունակվում են:
