ՀՐԱՊԱՐԱԿՆԵՐ ԵՎ ԱՅԳԻՆԵՐ

Հիմնադրումը՝ խորհրդային տարիներին իբրև Պրահայի այգի

Վերանորոգումը՝ 2000-ական թթ.

Գտնվում է Արաբկիր վարչական շրջանում` Կոմիտասի պողոտայի և Նաիրի Զարյան փողոցի միջև ընկած տարածքում` Արաբկիրի համայնքապետարանի և Իրանի Իսլամական Հանրապետության դեսպանատան դիմաց:

Երևանցիների շրջանում հայտնի է «Պրահայի այգի» անվամբ՝ կապված խորհրդային տարիներին այստեղ գտնվող «Պրահա» հյուրանոցի հետ:

2000 թթ.-ից կրում է հայ բանաստեղծ, հրապարակախոս, թարգմանիչ, դրամատուրգ, ՀԽՍՀ մշակույթի վաստակավոր գործիչ, ՀՀ ԳԱԱ ակադեմիկոս Վահագն Դավթյանի (1922-1996) անունը:

Բարեկարգվել է Երևանի քաղաքապետարանի զարգացման ծրագրով: Շինարարական աշխատանքների ընթացքում կառուցվել են թեքահարթակներ, վերատեղադրվել են անցուղիների սալիկներն ու եզրաքարերը, ստեղծվել են ծաղկանոցներ, սիզամարգեր: 2008 թ. տեղադրվել է տրավերտինից «Սասնա ծռեր (Ծովինարը Սանասարի և Բաղդասարի հետ)» շատրվան-հուշարձանը, որի հեղինակն է Ֆլորենցիայում բնակվող հայ քանդակագործ Վիգեն Ավետիսը (Ավետիսյան): 2010 թ. բացվել է Վահագն Դավթյանի հուշարձանը, 2015 թ.՝ «Պաշարված Լենինգրադի երեխաներին» հուշարձանը (քանդակագործ՝ Վլադիսլավ Մանաչինսկին, ճարտարապետներ՝ Տիգրան Բարսեղյան, Անատոլի Չերնով, Լադա Չերնովա):

Այգին արաբկիրցիների հանգստի սիրելի վայրերից է: 

 «Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան