ԹԱՏՐՈՆՆԵՐ

1938 թ. այգու տարածքում կառուցվել է թատրոնի շենք (ճարտարապետ՝ Նիկոլայ Բաև), որն այրվեց 1960-ական թթ. սկզբներին: Ներկայիս շենքը կառուցվել է 1966 թ.՝ Ռազմիկ Ալավերդյանի նախագծով: Շենքը անվանի ճարտարապետի կյանքի վերջին գործն էր՝ նախագծված «Հայարդնախագիծ» ինստիտուտում: Գործում ներգրավված էին նաև կոնստրուկտոր, ՀԽՍՀ վաստակավոր ճարտարագետ Ռուբեն Բադալյանը, երիտասարդ ճարտարապետներ Սուրեն Բուրխաջյանն ու Գուրգեն Մնա¬ցականյանը: 

1970 թ. արժանացել է ՀԽՍՀ պետական մրցանակի: 

Հորինվածքում կենտրոնական տեղ է գրա¬վում դահլիճը՝ նախատեսված 1250 հանդիսատեսի համար: Երկրորդ հարկի ճեմասրահի երկայն¬կան պատը ձևավորված է Մարտիրոս Սարյանի էսքիզնե¬րով ստեղծված «Հայաստան» պաննոյով, որը կատարվել է յուղաներկով, փայտի վրա (1965 թ․, նկարիչ՝ ՀԽՍՀ վաստակավոր նկա¬րիչ Հենրիկ Սիրավյան)։ Շքամուտքը հարդարված է ազգային թատրոնի սկզբնավորման և վերածնման պատմությունը ներկայացնող բարձրա¬քան¬դակներով (Հոկտեմբերյանի [Արմավիր] կարմիր տուֆ, 1966 թ․, քանդակագործ՝ ՀԽՍՀ ժողովրդա¬կան նկարիչ, ՌԴ գեղարվեստի ակադեմիայի ակադեմիկոս Արա Հարությունյան)։ Ներսում ստեղծվել է ձմեռային այգի, որն արդիական ճարտարապետության շունչ է հաղորդում շենքին: Այգու երեք 12-մետրանոց սյուները, որոնք երեսապատված են թեմատիկ խեցասալիկներով (հեղինակ՝ խեցեգործ, գեղանկարիչ, ՀԽՍՀ ժողովրդական նկարիչ Հմայակ Բդեյան), արտացոլում են Հայ թատրոնի պատմությունը, ժողովրդի խաղաղ ու ստեղծագործ աշխատանքը:

Թատրոնի շենքի առջև տեղադրված են Գաբրիել Սունդուկյանի կի¬սանդրին (1972 թ․, քանդակագործ՝ Արա Հա¬րությունյան) և «Հուշկապարիկ» դեկորատիվ քան¬դակը (1976 թ․, քանդակագործ՝ Արա Հա¬րությունյան)։