ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ
Պետ. ցուցիչ՝ 1.6.106.11
Ճարտարապետներ` Արթուր Թարխանյան, Սաշուր Քալաշյան, Լ. Մկրտչյան
Քանդակագործ՝ Ֆերդինանդ Առաքելյան
Գտնվում է 1915 թ. Հայոց ցեղասպանության
հուշարձանի հարթակի հարավարևմտյան հատվածում: ՀՀ Գիտությունների ազգային ակադեմիայի
կազմում ձևավորված գիտական և մշակութային խոշոր հաստատություն է: Հիմնադիր տնօրենն
է պատմական գիտությունների դոկտոր Լավրենտի Բարսեղյանը: Թանգարան-ինստիտուտի խնդիրն
է հավաքել, պահպանել, մշակել, հրատարակել և ցուցադրել պատմական Հայաստանում Թուրքիայի
կառավարող շրջանների կողմից նախապատրաստված և 1915-1923 թթ. իրականացված Հայոց ցեղասպանությանը
վերաբերվող փաստաթղթեր, լուսանկարներ, գրականություն և այլն:
Թանգարանի ճարտարապետական հորինվածքն աչքի
է ընկնում ծավալատարածական ինքնատիպ լուծմամբ: Թանգարանն իր հյուսիսային պատով միաձուլվում է բարձունքի ուրվանկարին: Կառույցի տանիքի մակերևույթը հավասարեցված է Մեծ Եղեռնի հուշարձանի հարթակին: Երկհարկանի, շրջանաձև հատակագծով, 64 x 35,5 մ չափերով շենքի
մուտքին մոտեցումը վայրընթաց աստիիճաններով է: Մուտքի վերնամասում, բազալտե սալին փորագրված
է. 1915, ՌՋԺԵ: Առաջին հարկում գրադարանն է, փաստաթղթերի պահոցը, ժողովների դահլիճը և Հայոց ցեղասպանության հարցերով զբաղվող գիտահետազոտական կենտրոնը: Ցուցասրահները երկրորդ հարկում են:
Հատակը սալարկված է: Ներքին բակ տանող մուտքի դիմաց տեղադրված է հորիզոնական դիրքով, տապանի տեսքով, 8 × 3 մ չափերով և կամարակապ վերնամասով մեծ խաչքար (քանդակագործ՝ Ֆերդինանդ Առաքելյան), որի վերին ձախակողմյան կեսում փորագրված է.
ԱՌԱՎՈՏ ԼՈՒՍՈՅ ԱՐԵԳԱԿՆ ԱՐԴԱՐ ԱՌ ԻՍ ԼՈՒՅՍ ԾԱԳԵԱ:
Թանգարանի մշտական ցուցադրությունում ներկայացված
վավերագրական նյութերը, մասունքները վերհանում են XX դարասկզբին տեղի ունեցած Հայոց
ցեղասպանության մանրամասները և արտացոլում են միջազգային հանրության վերաբերմունքը:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
ԱՇԽԱՏԱՆՔԱՅԻՆ ԺԱՄԵՐ
Երեքշաբթի-կիրակի՝ 11:00-16:00
Երկուշաբթի` փակ
Մուտքը անվճար է:
ԷՔՍԿՈՒՐՍԻԱ
Հայերեն - 2000 դրամ
Օտար լեզուներ - 4000 դրամ
