ՀՈՒՇԱՐՁԱՆՆԵՐ

1966 թ.

Պետ. ցուցիչ՝ 1.7.8

Ճարտարապետ՝ Ռաֆայել Իսրայելյան

Քանդակագործ՝ Արա Հարությունյան

Հուշարձանը գտնվում է Երևան-Էջմիածին մայրուղու վրա:

Կառուցվել է 1966 թ.: Հեղինակներն են ճարտարապետ Ռաֆայել Իսրայելյանը և քանդակագործ Արա Հարությունյանը:

Ոչ մեծ հարթակի վրա իրար զուգահեռ տեղադրված, եռանկյունաձև կտրվածքով, ստորին մասում կամարներով տուֆակերտ երեք սյուները միավորվում են թևատարած արծվի պղնձե քանդակով: Արծվի հայացքը սևեռուն է, թևերը մանրակրկիտ մշակված են, գլուխը պսակված է արևաքանդակով, կրծքին պատկերված է խաղողի տերև (հայկական այս խորհրդանիշը հանդիպում է նաև Երևանի հյուսիսային մուտքի՝ «Վահագն վիշապաքաղ» կոթողի վրա, որի հեղինակները նույնպես Իսրայելյանն ու Հարությունյանն են): Ճանկերում բռնել է շինարարի գործիքներ՝ ուղղալար և մուրճ` իբրև հայ ժողովրդի ուժի, ստեղծագործ աշխատանքի վկայություն:

Հուշարձանի բարձրությունը 15 մ է:

 «Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան