ՀՐԱՊԱՐԱԿՆԵՐ ԵՎ ԱՅԳԻՆԵՐ
ԱԶԱՏՈՒԹՅԱՆ ՀՐԱՊԱՐԱԿ
1924–1939
Գտնվում է Թումանյան և Տերյան փողոցներով,
ինչպես նաև Մեսրոպ Մաշտոցի և Սայաթ-Նովայի պողոտաներով սահմանափակված տարածքում՝ Հյուսիսային
պողոտայի և դրա շարունակությունը կազմող առանցքի վրա՝ Ալեքսանդր Սպենդիարյանի անվան
օպերայի և բալետի ազգային ակադեմիական թատրոնի հարևանությամբ։
1924–1936 թվականներին հրապարակի
համալիրը նախագծել է հայ նոր ճարտարապետության հիմնադիր Ալեքսանդր Թամանյանը։ Այն ստեղծվել
է թատրոնի շենքի հետ միաժամանակ և խորհրդային տարիներին հայտնի էր Թատերական հրապարակ
անվամբ։ 1991 թվականին վերանվանվել է Ազատության հրապարակ՝ կապված հայ ժողովրդի ազգային-ազատագրական
պայքարի վերելքի և Արցախյան շարժման հետ։
Հրապարակում՝ թատրոնի կողմից,
1957 թվականին տեղադրվել են հայ մեծանուն բանաստեղծ Հովհաննես Թումանյանի (ճարտարապետ՝
Գրիգոր Աղաբաբյան, քանդակագործ՝ Արա Սարգսյան) և երգահան Ալեքսանդր Սպենդիարյանի (ճարտարապետներ՝
Գրիգոր Աղաբաբյան, Ֆենիքս Դարբինյան, քանդակագործներ՝ Արա Սարգսյան, Ղուկաս Չուբարյան)
հուշարձանները։
Հրապարակը շրջապատող այգում է գտնվում
Ալեքսանդր Սպենդիարյանի գերեզմանը։
1988 թվականից այստեղ անցկացվում
են համաժողովրդական հավաքներ և ցույցեր, ինչպես նաև մշակութային տարբեր միջոցառումներ,
համերգներ և այլ միջոցառումներ։
Ազատության հրապարակը երևանցիների
և մայրաքաղաքի հյուրերի ամենասիրելի վայրերից մեկն է՝ շրջապատված կանաչ գոտիներով և
սրճարաններով։
