ՀՐԱՊԱՐԱԿՆԵՐ ԵՎ ԱՅԳԻՆԵՐ

Խաչքարերի պուրակը գտնվում է Երևանի Կենտրոն վարչական շրջանում՝  «Հանրապետության հրապարակ»  մետրոյի կայարանի հարակից տարածքում: Պուրակը  շահագործման է հանձնվել 2014թ. հոկտեմբերի 11-ին: Խաչքարերի պուրակն ամբողջությամբ ապահովված է արտաքին լուսավորությամբ և շատրվանային երեք համալիրներով: Այստեղ տեղադրված է 17 խաչքար: Խաչքարերը վերարտադրված են Արևմտյան Հայաստանում և Հին Ջուղայում եղած խաչքարերի բնօրինակներից:

Խաչքարը հայ միջնադարյան քրիստոնեական արվեստի եզակի նմուշ է: Հայաստանում կա ավելի քան 30000 խաչքար: Խաչքարերի ամենամեծ բացօթյա հավաքածուն գտնվում է Նորատուս գյուղի գերեզմանատանը։  Խաչքարերն ընդգրկված են ՅՈՒՆԵՍԿՕ-ի ոչ նյութական մշակութային ժառանգության ցանկում։