ՀՐԱՊԱՐԱԿՆԵՐ ԵՎ ԱՅԳԻՆԵՐ

2019

Զբոսայգին գտնվում է Մաշտոցի պողոտայի և Սարյան փողոցի միջանկյալ հատվածում։ Կառուցվել է 1970-ական թթ.։ Ունի շուրջ 20 000 մ² տարածք։

Հիմնանորոգվել է 2015–2016 թթ., կանաչապատվել է մոտ 10 000 նոր տնկիներով (ծառեր, թփեր, ծաղիկներ), սալահատակվել է, կառուցվել են երգող շատրվաններ։

Քաղաքի երիտասարդ զբոսայգիներից է։ Վերակառուցումից հետո կրում է հայ գրող, հրապարակախոս, հասարակական գործիչ, Հայաստանի Առաջին Հանրապետության՝ Հեռավոր Արևելքում, մասնավորապես Ճապոնիայում, դիվանագիտական ներկայացուցիչ և գլխավոր հյուպատոս, Հայոց ցեղասպանության մասին ինը գրքի հեղինակ, աշխարհում առաջին կին դիվանագետ Դիանա Աբգարի (Անահիտ Հովհաննեսի Աղաբեկյան, 1859–1937) անունը։