ԲԱՐԵՐ, ՓԱԲԵՐ, ԱԿՈՒՄԲՆԵՐ
Եթե երեկոյան Ձեզ անհրաժեշտ է հանգստանալ, վայելել սիրելի ըմպելիքը և մոռանալ կենցաղային գործերը, ապա Երևանը, բացի հարուստ մշակութային կյանքից և համեղ խոհանոցից, Ձեզ կապահովի հաճելի ժամանցով: Երիտասարդների գիշերային կյանքը հիմնականում անցնում է բարերում և փաբերում է, որտեղ Դուք կարող եք համտեսել տեղական համեղ գարեջուր, գինի և զովացուցիչ ըմպելիքներ:
Երևանյան բարերն ու փաբերը հիմնականում գտնվում են քաղաքի փոքր կենտրոնում՝ Փարպեցի, Պուշկին, Սարյան և Թումանյան փողոցներում՝ «Բարերի և փաբերի թաղամասում»: Փաբեր և բարեր կան նաև Կասկադի հարակից տարածքում և Աբովյան փողոցում։ Քանի որ օբյեկտները միմյանց մոտ են գտնվում, մեկից մյուսն անցնելով, վստահաբար կգտնեք Ձեր ճաշակին համահունչ վայր: Օտարերկրացիներին ամենուր շատ ջերմ են դիմավորում, և յուրաքանչյուր օբյեկտ ունի անգլերեն լեզվով ճաշացանկ:
Երևանում փաբերն ավելի տարածված են, քան գիշերային ակումբները: Փաբերը հարմարավետ են, աշխույժ և միշտ մարդաշատ և միաժամանակ անվտանգ։ Ի դեպ, ծխելը Երևանի բոլոր փակ տարածքներում արգելված է։ Փաբերն ու բարերը բաց են ամբողջ գիշեր՝ ապահովելով տեղական և միջազգային դիջեյների տարբեր ժանրերի որակյալ երաժշտություն:
Հեշտ է հայտնվել «Բարերի և փաբերի թաղամասում», սակայն դժվար է թողնել այն: Բարի՜ ժամանց:
ԱԶԳԱՅԻՆ ԽՈՀԱՆՈՑ
Պետք է փորձել
Հայկական մրգեր
Հայաստանը օժտված է յուրահատուկ կլիմայով և բերրի հողով, ինչն էլ կատարյալ է համեղ ու բուրավետ մրգերի աճեցման համար։ Հայկական մրգերը ոչ միայն հայտնի են իրենց հյութալիությամբ և բնական քաղցրությամբ, այլև առանձնահատուկ տեղ ունեն մեր ժողովրդի մշակույթում, ավանդույթներում և առօրյա կյանքում։ Հայաստանի ամենահայտնի մրգերից մեկը ծիրանն է, որը հաճախ անվանում են «Հայկական ոսկի»։ Ծիրանն իր արևահամ քաղցրությամբ և նուրբ բույրով դարձել է բազմաթիվ հայկական ուտեստների, աղանդերի և խմիչքների անփոխարինելի բաղադրիչ։ Մյուս խորհրդանշական միրգը նուռն է։ Այն առանձնահատուկ տեղ ունի հայկական մշակույթում և խորհրդանշում է պտղաբերություն, առատություն և հաջողություն։ Այս խորհրդանիշը հաճախ հանդիպում է հայկական արվեստում, ճարտարապետության զարդանախշերում և ծեսերում։ Նուռը ոչ միայն գեղեցիկ է իր տեսքով, այլև անփոխարինելի բաղադրիչ է բազմաթիվ հայկական ուտեստներում՝ տալով դրանց յուրահատուկ համ և գույն։
ԱԶԳԱՅԻՆ ԽՄԻՉՔՆԵՐ
Պետք է փորձել
Բացահայտեք հայկական գարեջրի յուրօրինակ աշխարհը
Հայաստանն առավել հայտնի է իր կոնյակի և գինու մշակույթով, այդուհանդերձ, վերջին տարիներին երկրում արագ զարգանում է նաև արհեստագործական (քրաֆթ) գարեջրի մշակույթը, որը դառնում է նոր հետաքրքիր ուղղություն ինչպես տեղացիների, այնպես էլ զբոսաշրջիկների համար։
Գարեջրի արտադրությունը Հայաստանում ունի հնագույն պատմություն։ Դեռևս մ.թ.ա. 5-րդ դարում հույն փիլիսոփա Քսենոփոնը, իր «Անաբասիս» աշխատության մեջ, նկարագրում է, թե ինչպես է Հին Հայաստանի գյուղերից մեկում տեսել գարու ըմպելիք՝ պահված կավե անոթներում։ Նա պատմում է. «Կավե անոթներում պահվում էին ցորեն, գարի և գարու ըմպելիք։ Խմիչքի մեջ լողում էին գարու հատիկներ, իսկ անոթի վերին մասում խրված էին եղեգներ, որոնց միջոցով մարդիկ խմում էին խմիչքը։ Ջրի հետ չխառնված գարեջուրը շատ թունդ էր, բայց տեղացիների համար այն հաճելի էր և սիրված»։ Այս վկայությունը փաստում է, որ գարեջուրը հայկական մշակույթում հայտնի է դեռ հազարամյակներից ի վեր։
"Դվին" համերգասրահ
Համերգային սրահ և ռեստորան, հանգստի և լավ ժամանցի վայր Երևանի կենտրոնում։ Այստեղ կարող եք հանգստանալ, համեղ ընթրել, վայելել կենդանի երաժշտություն և լավ ժամանակ անցկացնել։
Պարոնյան փող. 40
+37443 443 300
«Հին Անի» համերգասրահ
Համերգային սրահ և ռեստորան, հանգստի և լավ ժամանցի վայր Երևանի կենտրոնում։ Այստեղ կարող եք հանգստանալ, համեղ ընթրել, վայելել կենդանի երաժշտություն և լավ ժամանակ անցկացնել։
Սայաթ-Նովա պող. 19
+37443 004 883
«KAMI» երաժշտական ակումբ
Համերգային սրահ և ռեստորան, հանգստի և լավ ժամանցի վայր Երևանի կենտրոնում։ Այստեղ կարող եք հանգստանալ, համեղ ընթրել, վայելել կենդանի երաժշտություն և լավ ժամանակ անցկացնել։ Անվճար WiFi։
Խ. Աբովյան փող. 18
+37491 509 020 , +37443 509 020
«Մալխաս» ջազզ ակումբ
Ակումբը ներկայացնում է լավագույն ջազը 2005 թվականից։ Այն հանդիպման վայր է երաժշտության իսկական գիտակների, ջազ երաժիշտների և երաժշտական լավ ճաշակ ունեցող հյուրերի համար։
Ալ. Պուշկինի փող. 52/1
+37410 531 778
Platform
Համերգային սրահ և ռեստորան, հանգստի և լավ ժամանցի վայր Երևանի կենտրոնում։ Այստեղ կարող եք հանգստանալ, համեղ ընթրել, վայելել կենդանի երաժշտություն և լավ ժամանակ անցկացնել։
Սարյան փող., 22
+37491 288 222