ԲԼՈԳ

ԵՐԵՎԱՆԻ ԲԱՑՕԹՅԱ ԼՈՂԱՎԱԶԱՆՆԵՐԸ

Երևան քաղաքին բնորոշ է ամառային անոմալ շոգը, երբ ջերմաստիճանն անցնում է +40° C–ից: Չոր ու շոգ եղանակը հաճախ տևում է մոտ չորս ամիս և ցերեկվա տապից փրկվելու լավագույն միջոցը ստվերում պատսպարվելն է, շատրվանների կամ ջրավազաններից եկող զովությանն ապավինելը, կամ բացօթյա լողավազաններում ժամանակ անցկացնելը:

Ամառվա շոգ ամիսներին Երևան այցելող զբոսաշրջիկներին առաջին հերթին զարմացնում է քաղցրահամ ու սառնորակ ջրերի՝ ցայտաղբյուրների առկայությունը, որոնք կարելի է գտնել քաղաքի տարբեր հատվածներում: Դրանք աշխարհի շատ քաղաքների համար շռայլություն են համարվում, իսկ Երևանի համար ունեն կենսական անհրաժեշտություն:

Ցայտաղբյուրներն ընդհանրապես տարածված են Հայաստանում և հանդիսանում են հայկական կենցաղա-մշակութային համալիրի կարևոր մասը: Դրանք առաջին անգամ ի հայտ են եկել 1920-ական թվականներին Երևանում, այնուհետ մեծ տարածում գտել ողջ Հայաստանի տարածքում:

Երևանի «ամառային այցեքարտերից» են համարվում ոչ միայն ցայտաղբյուրները, այլ նաև ջրավազաններն ու լողավազանները:

Լողավազանում հանգստանալը հիանալի հնարավորություն է արևային լոգանք ընդունելու, հիասքանչ տեսարաններով հիանալու և իհարկե, դրական էներգիայով լցվելու համար: Դա հանգստի կատարյալ տարբերակ է:

Այսօր Երևանում գործում են բազմաթիվ լողավազաններ, որոնցից յուրաքանչյուրը տարբերվում է իր ինքնատիպ ոճով ու սպասարկմամբ:

Մուտքի գներն ըստ տարիքային խմբերի տատանվում են սկսած 4000 ՀՀ դրամից մինչև 20.000 ՀՀ դրամ:

ԵՐԵՎԱՆՅԱՆ ՀՅՈՒՐԱՆՈՑՆԵՐԻՆ ԿԻՑ ԱՄԱՌԱՅԻՆ ԼՈՂԱՎԱԶԱՆՆԵՐԸ`