ՀՅՈՒՐԱՆՈՑՆԵՐ

Card image cap

Armenia Marriott Hotel Yerevan


«Armenia Marriott Hotel Yerevan»-ը միակ միջազգայնորեն կառավարվող հյուրանոցային բրենդն է Հայաստանում՝ տեղակայված անմիջապես  քաղաքի մշակութային և բիզնես կենտրոնում՝ Հանրապետության Հրապարակում:


Հյուրանոցի շենքն ընդգրկված է Կենտրոն վարչական շրջանի պատմության և մշակույթի անշարժ հուշարձանների ցանկում։ Հյուրանոցի շենքը կառուցվել է 1950 թվականին հայկական վարդագույն տուֆից և կանգնեցված է բազալտե հիմքի վրա (ճարտարապետներ՝ Մարկ Գրիգորյան, Էդուարդ Սարապյան, կոնստրուկտոր-հեղինակ՝ Կոստանդին Ալթունյան)։ Որպես «Արմենիա» հյուրանոց սկսել է գործել 1958 թվականից։ Խորհրդային ժամանակաշրջանում եղել է գլխավոր տուրիստական հյուրանոցը։ Խորհրդային միության փլուզումից հետո հյուրանոցը մասնավորեցվել է և 1998 թվականին  հիմնովին վերանորոգվել՝ համապատասխան միջազգային չափանիշներին։ Հյուրանոցն անվանվել է «Armenia Marriott Hotel Yerevan»:

Այն ունի 3 մասնաշենք` Արարատ, Արմենիա և Նոր մասնաշենք: Հանգիստ միջավայր սիրողները կարող են հյուրընկալվել Արարատ մասնաշենքում, իսկ ավելի դինամիկ միջավայր նախընտրողները` Արմենիա մասնաշենքում: Նոր մասնաշենքում տեղակայված են հյուրանոցի նոր հյուրասենյակները:

Նրբաճաշակ կահավորված համարները համապատասխանում են միջազգային ընդունված ստանդարտներին: Շատերից բացվում է հիանալի տեսարան դեպի Արարատ լեռ և Հանրապետության Հրապարակ: Հյուրանոցն ունի սենյակներ չծխողների համար, կան հաշմանդամների համար նախատեսված սենյակներ և հարմարություրններ: Այստեղ հյուրերը կարող են մարզվել ամբողջովին կահավորված մարզասրահում և լիցքաթափվել ՍՊԱ կենտրոնում: Ճաշելու կամ ընթրելու համար կա լայն տեսականի` իտալական բազմազան ճաշացանկով: Հյուրանոցը նաև առաջարկում է միջոցառումներ՝ ռոմանտիկ հարսանիք կամ գործնական հանդիպում անցկացնելու լայն հնարավորություններ:


Ամիրյան փող. 1
+37410 599 000