ԵՐԵՎԱՆ

Երևանի տարածքը կազմում է 223 կմ², բնակչությունը՝ 1068 հազար մարդ։

Երևանը Հայաստանի Հանրապետության մայրաքաղաքն է:

Հիմնադում՝ մ.թ.ա. 782թ.

Առաջին հիշատակում՝ մ.թ.ա. 782թ. 

Մակերես՝ 223 կմ²

ԲԾՄ՝ 900-1100 մ

Կլիմայի տեսակ՝ բարեխառն ցամաքային

Պաշտոնական լեզու՝ hայերեն

Բնակչություն՝ 1068 հազար մարդ (2014թ.)

Ազգային կազմ՝ հայեր (98,9%, 2011թ.)

Կրոնական կազմ՝ քրիստոնյաներ (96,5%, 2011թ.)

Ժամային գոտի՝ UTC+4

Հեռախոսային կոդ` +374

Փոստային ինդեքսներ՝ 0001-0099

ISO 3166-2 կոդ՝ AM-ER

Պաշտոնական կայք` https://www.yerevan.am

Երևանը իրավաբանական անձ է, ունի սեփականության իրավունք և գույքային այլ իրավունքներ: Երևանն ունի բյուջե, ինչպես նաև Հայաստանի Հանրապետության զինանշանի պատկերով և իր անվանմամբ կնիք:

Երևանում տեղական ինքնակառավարումը հիմնվում է «Տեղական ինքնակառավարման մասին» ՀՀ օրենքով սահմանված սկզբունքների վրա` ապահովելով Երևանի բոլոր վարչական շրջանների համաչափ զարգացումը:

Երևանի տեղական ինքնակառավարման մարմիններն են Երևանի ավագանին, Երևանի քաղաքապետը: Երևանի տեղական ինքնակառավարման մարմինները գործում են իրենց նստավայրում` Արգիշտիի փողոց 1 հասցեում: Ավագանու որոշմամբ ավագանին իր գործունեությունը (ներառյալ` նիստերի անցկացումը) կարող է կազմակերպել այլ վայրում:

Տարածքային կառավարումը Երևանում իրականացնում է ՀՀ տարածքային կառավարման նախարարությունը: Կառավարության որոշմամբ Երևանում տարածքային կառավարման որոշակի գործառույթներ կարող են փոխանցվել գործադիր իշխանության հանրապետական այլ մարմինների։

Երևանը գտնվում է Արարատյան դաշտավայրի հյուսիսարևելյան մասում` Հրազդան գետի երկու ափերին՝ ծովի մակերևույթից 900-1200 մետր բարձրության վրա։ Երևանի վարչական սահմանները սահմանված են «Հայաստանի Հանրապետության վարչատարածքային բաժանման մասին» ՀՀ օրենքով: Վարչական սահմանով հարում է Արարատի, Արմավիրի, Արագածոտնի և Կոտայքի մարզերին։

Երևանում արդյունավետ տեղական ինքնակառավարում և տարածքային կառավարում իրականացնելու, Երևանի տեղական ինքնակառավարման մարմինները բնակչությանն առավել մատչելի դարձնելու նպատակով Երևան քաղաքը բաժանված է 12 վարչական շրջանների.

• Աջափնյակ
• Ավան
• Արաբկիր
• Դավթաշեն
• Էրեբունի
• Կենտրոն
• Մալաթիա-Սեբաստիա
• Նոր Նորք
• Նորք-Մարաշ
• Նուբարաշեն
• Շենգավիթ
• Քանաքեռ-Զեյթուն

Վարչական շրջանների կոնտակտային տվյալները` PDF (300KB):