ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Այցելուների կենտրոնի ստեղծման հայեցակարգը ընդունվել է 2007 թվականի վերջին՝ հաշվի առնելով եվրոպական երկրների կենտրոնական բանկերի լավագույն փորձը և մեր երկրի առանձնահատկությունները: Այցելուների կենտրոնը տեղակայված է ՀՀ կենտրոնական բանկի պատմական մասնաշենքում: 

Հայաստանի Հանրապետության կենտրոնական բանկի Այցելուների կենտրոնի ստեղծման նպատակը տարաբնույթ կրթական գործիքների՝ ստատիկ, թեմատիկ և ինտերակտիվ ցուցադրությունների միջոցով ՀՀ կենտրոնական բանկի գործունեության և դերի վերաբերյալ հանրային իրազեկվածության բարձրացումն է: Ցուցադրությանը ներկայացված են 24 ստատիկ վահանակներ, 2 ինտերակտիվ գոտիներ՝ դրամանիշերի ստուգման լաբորատորիա, բանկոմատ, 2 մուլտիմեդիային խաղեր, ազգային դրամի պատմության և գործունեության մասին 2 տեսաֆիլմ, գների և ֆինանսական կայունությունը, ֆինանսական համակարգի գործունեությունը բացատրող մուլտֆիլմեր, ինչպես նաև թեմատիկ տեսահոլովակներ:

Կենտրոնի հիմնական թիրախը դպրոցականներն ու ուսանողներն են, որոնց այցելությունները կազմակերպվում են օրական 2-3 անգամ, մինչև 35 հոգանոց խմբերով:

Կենտրոնն ունի հետևյալ կառուցվածքը.

1. Հայաստանի դրամաշրջանառության պատմություն

2. Հայաստանի Հանրապետության արժույթ

3. Դրամանիշների / թղթադրամների ստեղծման գործընթաց

4. Դրամի պաշտպանական հատկանիշներ

5. Դրամանենգությունը հանցանք է

6. Վճարահաշվարկային համակարգեր և վճարային քարտեր

7. Դրամավարկային քաղաքականություն

8. Միջազգային պահուստների կառավարում

9. Ֆինանսական համակարգ և վերահսկողություն. աջակից կառույցներ՝ Ֆինանսական համակարգի հաշտարար, ԱՔՌԱ վարկային բյուրո, Ֆինանսական Դիտարկումների Կենտրոն, Ավանդների հատուցումը երաշխավորող հիմնադրամ

10. Բաց գրադարան

11. Խաղասրահ

12. Կինոսրահ

13. Վաճառասրահ

    
    

Կենտրոնի տարածքը հարմարեցված է հենաշարժական խնդիրներ ունեցող այցելուների համար:

ԱՇԽԱՏԱՆՔԱՅԻՆ ԺԱՄԵՐ

Երկուշաբթիից - ուրբաթ 09:30 - 17:30

ԷՔՍԿՈՒՐՍԻԱՆԵՐ

Էքսկուրսիաներն իրականացվում են հայերեն, ռուսերեն և անգլերեն, իսկ ցուցադրությունը երկլեզու է՝ հայերեն և անգլերեն:

ՄՈՒՏՔ

Այցերն անվճար են:

Այցելություն կարող եք ամրագրել օնլայն՝ անցնելով հետևյալ հղումով՝ https://visitorcentre.cba.am/hy: