ՊԱՇՏԱՄՈՒՆՔԱՅԻՆ ԿԱՌՈՒՅՑՆԵՐ

Card image cap

Քանաքեռի Սուրբ Հակոբ եկեղեցի


Սուրբ Հակոբ եկեղեցին կառուցվել է 1695 թվականին` ի պատիվ Սուրբ Հակոբ Մծբնացի հայրապետի (4-րդ դար), ով դասվել է Հայ Առաքելական Եկեղեցու սրբերի շարքին:


Կառուցվել է 1679թ. երկրաշարժի ժամանակ կործանված եկեղեցու տեղում` թիֆլիսաբնակ քանաքեռցի  մեծահարուստ Հակոբջանի միջոցներով: Սուրբ Հակոբ եկեղեցու արևմտյան պատին փորագրված է ՌՃԽԴ (1695), որն էլ եկեղեցու կառուցման տարեթիվն է համարվում:

1868թ. եկեղեցուն կից սկսել է գործել Սահակ Պարթևի անվան թեմական դպրոցը, որը ստեղծվել էր Մեսրոպ Վարդապետ Սմբատյանցի ջանքերով: Սուրբ Հակոբ եկեղեցին եռանավ բազիլիկ է` աղոթասրահում երկու  զույգ մույթերով, արևելյան կողմից` Ավագ խորանով և դրան կից զույգ ավանդատներով: Եկեղեցու արևմտյան ճակատին տեղ-տեղ ագուցված են 1504, 1571, 1621 թվագրություններով գեղաքանդակ խաչքարեր:

Պատմական հուշարձանների պահպանության հայկական ընկերությունը պետական միջոցներով նորոգել է եկեղեցին:

Սուրբ Հակոբ եկեղեցին վերաբացվել է 1990թ.:


Քանաքեռի 6-րդ փողոց
+37410 284 802