ՀՈՒՇԱՐՁԱՆՆԵՐ

Պետ. ցուցիչ՝ 1.6.12

Քանդակագործ՝ Այծեմնիկ Ուրարտու

Բարձրաքանդակը գտնվում է Աբովյան պուրակի հյուսիսային եզրին՝ պուրակը եզերող հենապատի վրա, Սարալանջի փողոցի սկզբնամասում: Հեղինակը ՀԽՍՀ ժողովրդական նկարիչ, հայ առաջին կին քանդակագործ Այծեմնիկ Ուրարտուն է (Տեր-Խաչատրյան): 

1,70 × 0,80 մ չափերով բազալտե սալի վրա քանդակված է ամբողջ հասակով դեռատի աղջիկ՝ սափորը ձեռքին: Սափորից հոսող ջուրը թափվում է փոքր ջրավազանի մեջ (բարձրությունը` 0,5 մ): 1930-ական թթ. մոնումենտալ-դեկորատիվ արվեստի հաջողված գործերից է: