ՍՏԵՂԾԱԳՈՐԾԱԿԱՆ ՄԻՈՒԹՅՈՒՆՆԵՐ
Պետ. ցուցիչ՝ 1.6.161
Ճարտարապետ՝ Կորյուն Հակոբյան
Շենքը գտնվում է Մարշալ Բաղրամյան պող., 17 հասցեում` պողոտայի կարմիր գծից ներս` ոչ մեծ այգում:
Ճարտարապետների
միությունն ստեղծվել է 1932 թ., շենքը կառուցվել է 1958 թ.` որպես Հայաստանի ճարտարապետների միության վարչության շենք և ճարտարապետի տուն: Վերջինս 1978 թ., Ալ. Թամանյանի ծննդյան 100-ամյակի տոնակատարության օրերին, անվանակոչվել է նշանավոր ճարտարապետի անունով:
1982 թ. բակի կողմից կցակառուցվել է մասնաշենք:
2018 թ. մարտի 17-ին
Ճարտարապետների միության 19-րդ
համագումարում Հայաստանի ճարտարապետների
միությունը վերանվանվել
է
Հայաստանի ճարտարապետների պալատ:
Շենքը համաչափ է, երկհարկ: Կենտրոնական
մուտքն ընդգծված է սյունազարդ նախասրահով, որը ձևավորում է
երկրորդ հարկի բաց պատշգամբի եզրապատը: Երկու
դուրս եկող կողային ռիզալիտներից կազմվել են անկյունային ծածկված տիմպան-օթյակներ,
որոնք հարստացնում են կառույցի հորինվածքը:
Կենտրոնական մասը և ռիզալիտներն
ունեն նրբագեղ քիվի տեսքով ատամնաշար ավարտ: Պլաստիկ լուծման մեջ օգտագործված են
ազգային ձևերը (քիվ, խոյակ):
Շենքը կառուցված է
մանուշակագույն երանգի մուգ տուֆից, խոյակները՝ բաց դեղնավուն
ֆելզիտից:
Հատակագծային
լուծումը պարզ է՝ գլխավոր մուտքի նախասրահ, նկուղում՝ հանդերձարան, երկրորդ հարկում՝
դահլիճ և ճեմասրահ: Առաջին հարկի կողային
ծավալներում ճարտարապետների միության տարածքներն են, երկրորդ հարկում՝ ցուցասրահները:
Երևանի կարևորագույն հասարակական շենքերից է: Գեղարվեստական առումով հանդիսանում է
1950 թ. բնորոշ կառույց: Աչքի է ընկնում հաջող հատակագծային լուծմամբ, ճարտարապետական մանրամասների նուրբ քանդակազարդմամբ:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
