ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Թանգարանի ստեղծման համար հիմք են ծառայել Հովհաննես Կարապետյանի անձնական՝ մոտ 4500 նմուշները։

Թանգարանը հիմնադրվել է 1937 թ. ականավոր երկրաբան, գիտության վաստակավոր գործիչ, պրոֆեսոր Հ. Կարապետյանի նախաձեռնությամբ և անմիջական ղեկավարությամբ: Թանգարանի առաջին ցուցադրումը կազմակերպվել է նրա հարուստ հավաքածուի հիման վրա և հետագայում համալրվել հիմնականում Հայաստանի երկրաբանների ցուցանմուշներով: 1943 թվականին թանգարանը անվանակոչվել է հիմնադրի անունով և գործել ՀՀ ԳԱԱ երկրաբանական ինստիտուտւի համակարգում: Թանգարանի շուրջ 12000 ցուցանմուշները դասակարգված են ընդհանուր երկրաբանության, հնէաբանության, հանքաբանության, հրաբխականության, ապարաբանության, օգտագար հանածոների և հանքային ջրերի պատմության բաժիններով:  Թանգարանում  ցուցադրված ցուցանմուշների շարքում խիստ ուշագրավ է Գյումրու ավազահանքում հայտնաբերված նախապատմական տրոգոնթերյան փղի կմախքը: 

Թանգարանում գործում է «Բնագետ» էկոակումբը, որի տարբեր տարիքային խմբերում երեխաները ծանոթանում են Հայաստանի երկրաբանությանն ու առկա էկոլոգիական հիմնախնդիրներին: Պարբերաբար  կազմակերպվում են բաց դասեր, ուսումնական արշավներ, էքսկուրսիաներ:

ԱՇԽԱՏԱՆՔԱՅԻՆ ԺԱՄԵՐ

Երեքշաբթի- ուրբաթ՝ 11:00-17:00

Շաբաթ և կիրակի՝ փակ 

ՄՈՒՏՔ

Մեծահասակներ - 700 դրամ

Դպրոցականներ - 300 դրամ

Ուսանողներ - 300 դրամ

Օտարերկրացիներ – 1000 դրամ

ԷՔՍԿՈՒՐՍԻԱ /մինչև 15 մարդ/

Հայերեն - 1500 դրամ

Օտար լեզուներ  /ռուսերեն, անգլերեն/ – 2500 դրամ