ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Թանգարանը արտացոլում է Հայաստանի ինքնատիպ բնական համալիրը, բնության բազմազանությունը:

Հայաստանի Հանրապետության շրջակա միջավայրի նախարարության ենթակայությամբ գործող Հայաստանի բնության պետական թանգարանը հիմնադրվել է մայրաքաղաք Երևանում 1952 թվականին: Այն ԽՍՀՄ տարածքում գործող բնության 8 համալիրային  թանգարաններից մեկն էր հանդիսանում: Թանգարանի հիմնական նպատակը բնակչության բնապահպանական դաստիարակությանը և բնապահպանական կրթությանը նպաստելն է, ինչպես նաև բնապահպանական քարոզչություն իրականացնելը: Թանգարանը ներկայացնում է Հայաստանի ինքնատիպ բնությունն ու կենդանական աշխարհը, ֆկորայի ու ֆաունայի հազվագյուտ  տեսակներ վայրի կենդանիների խրտվիլակներ: Ցուցասրահներում, որտեղ ներկայացված ցուցանմուշները յուրօրինակ հանրագիտարան են յուրաքանչյուր այցելուի համար, հնարավորություն են ընձեռում պատկերացում կազմելու Հայաստանի աշխարհագրական դիրքի, ռելիեֆի, երկրաբանական կառուցվածքի, կլիմայական պայմանների մասին:

Թանգարանում ներկայացված է նաև ակվարիումային ձկնատեսակների մշտական գործող ցուցադրություն, որտեղ այցելուները կարող են տեղեկություններ ստանալ տվյալ ձկնատեսակի և նրա խնամքի վերաբերյալ:

ԱՇԽԱՏԱՆՔԱՅԻՆ ԺԱՄԵՐ

Երեքշաբթի-ուրբաթ՝ 10:30-16:30

Շաբաթ և կիրակի`  10:30-16:00

Երկուշաբթի՝ փակ 

ՄՈՒՏՔ

Մեծահասակներ - 500 դրամ

Երեխաներ - 300 դրամ

ԷՔՍԿՈՒՐՍԻԱ

Հայերեն - 2000 դրամ

Օտար լեզուներ / ռուսերեն , անգլերեն/ – 2500 դրամ