ՀՈՒՇԱՐՁԱՆՆԵՐ
ԷՐԵԲՈՒՆԻ-ԵՐԵՎԱՆ - ԿԵՆԱՑ ԾԱՌ
1970
Պետ. ցուցիչ՝ 1.6.119
Ճարտարապետ՝ Ֆենիքս Դարբինյան
Էրեբունի-Երևանի
հիմնադրման 2750-ամյակին նվիրված հուշարձանը գտնվում է Մեսրոպ Մաշտոց ու Մարշալ Բաղրամյան
պողոտաների խաչմերուկում՝ Մարտիրոս Սարյանի անվան պուրակում: Սև, փայլեցված մարմարից
կառուցված գետնախարսխի վրա Բյուրականի նարնջագույն, սրբատաշ տուֆից կերտված ուղղաձիգ
կոթող է (4,35 մ x 2,85 մ): Գլխավոր ճակատին անհամաչափ ձևով տեղադրված է պղնձե դրվագված
սալ (3,5 x 1,8 մ): Հորինվածքի կենտրոնում կենաց ծառն է, երկու կողմերում՝ Վանի թագավորության
շրջանի հագուստներով տղամարդու և կնոջ կերպարներ: Ստորին մասում պատկերված է արծվառյուծ
(գրիֆոն): Հորինվածքի ստորին ձախ մասում փորագրված է ԷՐԵԲՈՒՆԻ 782, աջ մասում՝ ԵՐԵՎԱՆ:
Կոթողի ետնամասում աղբյուր է: Հորինվածքի մանրամասներն արված են Վանի թագավորության
արվեստին բնորոշ գծերով:
