ՀՈՒՇԱՐՁԱՆՆԵՐ

1985

Պետ. ցուցիչ՝ 1.12.12
Ճարտարապետ՝ Էդուարդ Սաֆարյան
Քանդակագործ՝ Սերժ Մեհրաբյան

5-6-րդ դարերի հայ փիլիսոփա, նեոպլատոնականության հետևորդ, հին հայկական փիլիսոփայության աշխարհիկ փիլիսոփայության հիմնադիր Դավիթ Անհաղթի հուշարձանը գտնվում է նույնանուն փողոցի վերջնամասի զբոսայգում: Արձանը բրոնզաձույլ է, ունի 3 մ բարձրություն:

Տեղադրված է կարմրավուն գրանիտից պատվանդանի վրա: Մեծ մտածողը ներկայացված է նստած դիրքով, երկար հագուստով: Ձախ ձեռքը հենել է ծնկին, խոհուն հայացքը սևեռված է դեպի Արարատ լեռը: Աջ ձեռքով բռնել է մորուքը, արմունկի տակ հաստափոր գիրք է, որի վրա փորագրված է Անհաղթի «Սահմանք իմաստասիրութեան» աշխատությունը խորհրդանշող «ՃԱՆԱՉԻՐ ՀՈԳՈՒԴ ԳԱՆՁԵՐԸ ՄԱՔՈՒՐ...»  նախադասությունը: