ՀՈՒՇԱՐՁԱՆՆԵՐ

1969 թ.

Պետ․ ցուցիչ՝ 1․7․10

Քանդակագործ՝ Կառլեն Նուրիջանյան

Դրվագող՝ Ներսես Չարխչյան

Գտնվում է Ծովակալ Իսակովի պողոտայի և Սեբաստիա փողոցի խաչմերուկի բարձրադիր հատվածում:

Վահագնը հին հայոց հեթանոսական դիցարանի քաջության, ամպրոպի, ռազմի աստվածn էր` հայոց պանթեոնի հզոր ու պաշտելի աստվածներից մեկը` ուժի, արիության և հաղթանակի խորհրդանիշ։ Ավանդության համաձայն` մենամարտի է բռնվել խավարը մարմնավորող վիշապների հետ, որտեղից էլ ստացել է Վիշապաքաղ մականունը։           

Քանդակը 1960-ականներին կերտել է Կառլեն Նուրիջանյանը: Տեղադրվել է 1969 թ.:

Երևանի այն քիչ քանդակներից է, որոնք տասնամյակներ, չունենալով մշտական կեցավաjր, քանիցս փոխադրվել են տեղից տեղ:

1969 թ. այն տեղադրվել է Լենինի (այժմ՝ Մաշտոցի) պողոտայում,: 1970-ական թթ. տեղափոխվել է Հայաստանի նկարիչների միության շենքի մոտ, 1980-ական թթ.՝ Էջմիածնի խճուղի: 1990-ական թթ. վերջին քամուց ընկել ու կոտրվել է: 2001 թ. հանձնվել է հայտնի քանդակագործ-դրվագող Ներսես Չարխչյանին և վերականգնվելուց հետո մի քանի տարի մնացել է Ջրվեժում՝ նրա տան մոտ: 2004 թ. դեկտեմբերի 19-ին տեղադրվել է Ծովակալ Իսակովի պողոտայում:

Պղնձե հորինվածք է՝ տեղադրված բազալտե անմշակ քարաբեկորի վրա: Ներկայացնում է վիշապի հետ մարտնչող Վահագն աստծուն: Քանդակում արտահայտված է կյանքի և մահվան միջև պայքարի, չարի նկատմամբ բարու հաղթանակի գաղափարը:

Քանդակի բարձրությունը 3,5 մ է, քաշը` մոտ 400 կգ:

Արձանի կրկնօրինակը տեղադրվել է ՀՀ Արմավիրի մարզի Արմավիր գյուղի մշակույթի տան մոտ, 1971 թ.:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան