ՀՈՒՇԱՐՁԱՆՆԵՐ

Card image cap

Վիկտոր Համբարձումյան


Քանդակագործ՝ Հ. Ասատրյան

Ճարտարապետ՝ Տ. Հակոբյան

Նյութ՝ Բրոնզ

Տարեթիվ՝ 2009


Աբովյան փողոցի վրա գտնվող պետհամալսարանի շենքի դիմացի զբոսայգում, որտեղ գտնվում է նաև Երևանի աստղադիտարանը, տեղադրվել է աստղաֆիզիկոս, տեսական աստղաֆիզիկայի խորհրդային դպրոցի հիմնադիր, ԽՍՀՄ և ՀԽՍՀ գիտությունների ակադեմիաների ակադեմիկոս, Հայաստանի գիտությունների ակադեմիայի նախկին երկարամյա նախագահ Վիկտոր Համազասպի Համբարձումյանի արձանը:


Այն ունի 3 մ 20 սմ բարձրություն և տեղադրված է 80-սմ-անոց պատվանդանի վրա: Քանդակի հեղինակն է ճանաչված հայ արձանագործ, Երևանի Գեղարվեստի ակադեմիայի պրոֆեսոր Տարիել Հակոբյանը: Ի դեպ, արձանը դրված է հեղափոխական-կուսակցական գործիչ Ղուկաս Ղուկասյանի (1899-1920)՝ նախկինում դրված արձանի տեղում:


Վիկտոր Համազասպի Համբարձումյանը (1908-1996) հայ աստղագետ և աստղաֆիզիկոս է, տեսական աստղաֆիզիկայի հիմնադիրներից մեկը։ Համբարձումյանի աշխատությունները վերաբերում են աստղերի և միգամածությունների ֆիզիկայի, արտագալակտիկական աստղագիտության, աստղային համակարգերի դինամիկայի, աստղերի և գալակտիկաների տիեզերածնության և մաթեմատիկական ֆիզիկայի, միջուկային ֆիզիկայի բնագավառներին։ Սկզբունքորեն նոր տիեզերածնական հայեցակարգի հեղինակ է։ Բյուրականի աստղադիտարանի հիմնադիրն է։


ՀԽՍՀ գիտության վաստակավոր գործիչ (1940)

Ստալինյան մրցանակի կրկնակի դափնեկիր (1946, 1950)

Սոցիալիստական աշխատանքի կրկնակի հերոս (1968, 1978)

Վրացական ԽՍՀ գիտության վաստակավոր գործիչ (1968)

ՀԽՍՀ պետական ​​մրցանակի դափնեկիր (1988)

Հայաստանի ազգային հերոս (1994)

Ռուսաստանի Դաշնության պետական ​​մրցանակի դափնեկիր (1995)


ԽՍՀՄ ԳԱ ակադեմիկոս (1953, թղթակից անդամ 1939-ից)

ՀԽՍՀ ակադեմիկոս (1943) և նախագահ (1947-1993)

Միջազգային աստղադիտական միության փոխնախագահ (1948-1955)

Միջազգային աստղագիտական ​​միության նախագահ (1961-1964)

Գիտական ընկերությունների միջազգային խորհրդի նախագահ (1968-1972)


Ուսանողական պուրակ