ՀՈՒՇԱՐՁԱՆՆԵՐ

2009 թ․

Քանդակագործ՝ Տարիել Հակոբյան

Աշխարհահռչակ հայ աստղագետ, աստղաֆիզիկոս, տիեզերածնական նոր հայեցակար­գի հեղինակ, ՀԽՍՀ ԳԱ Բյուրականի աստղադիտարանի հիմնադիր և տնօրեն (1946-1988), ՀԽՍՀ և ԽՍՀՄ ԳԱ ակադեմիկոս, Միջազգային աստղագիտական միության նախագահ (1961-1964), արտասահմանյան մի շարք երկրների Գիտությունների Ակամադեմիայի օտարերկրյա ան­դամ, Հայաստանի ազգային հերոս (1994 թ.) Վիկտոր Համազասպի Համբարձումյանի (1908-1996) հուշար­ձանն է։ Տեղադրվել է Աբովյան փողոցի վերջնամասում՝ Աբովյան և Տերյան փողոցների միջև գտնվող Ուսանողական պուրակում (նախկինում՝ Ղուկաս Ղուկասյանի անվան պուրակ, 1924 թ.), Երևանի աստ­ղադիտարանի շենքի (1926 թ., ճարտարապետ՝ Ալեքսանդր Թամանյան) հարևանությամբ։ Կանգնեցվել է բոլշևիկ հեղափոխական, Հայաստանի կոմունիստական երիտասարդական միու­թյան հիմնադիր Ղուկաս Ղուկասյանի՝ 1990-ական թթ. տեղահանված արձանի (քանդակագործ՝ Սուրեն Ստեփանյան, 1934 թ.) տեղում:

Հեղինակներն են քանդակագործ Տարիել Հակոբյանը և ճարտարապետ Հայկ Ասատրյանը։

Հուշարձանի հանդիսավոր բացումը տեղի է ունեցել 2009 թ. դեկտեմբերի 15-ին:

Ձեռնարկն իրականացվել է Վիկտոր Համբարձումյանի ծննդյան 100-ամյակի հոբելյանական հանձնաժողովի կողմից։

Հուշարձանը բրոնզաձույլ է, ունի 3․20 մ բարձրություն։ Գալակտիկան խորհրդանշող ճառագայթաձև մշակված ցածր հարթակին փորագրված են X դ. հայ մեծ մտածող, աստվածաբան, բանաստեղծ, փիլիսոփա, Հայաստանյայց առաքելական եկեղեցու սրբերից  Գրիգոր Նարեկացու «ԱՆՄԱՏՉԵԼԻ ՀԵՌԱՎՈՐ ԵՎ ԱՆԸՆԴՄԻՋԵԼԻ ՄԵՐ­ՁԱ­ՎՈՐ» տողերը։

 «Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան