ԵՐԵՎԱՆԻ ԺԱՄԱՆԱԿԱԳՐՈՒԹՅՈՒՆԸ
2025
Սեպտեմբերի 21-ին՝ Հայաստանի Անկախության օրը, Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենքը ներկայացավ նոր լուսավորությամբ:
Հայաստանի Հանրապետության անկախության օրը Օպերայի շենքը գեղարվեստական նոր լուսավորությամբ ներկայացավ երևանցիներին ու մայրաքաղաքի հյուրերին: Երևանի քաղաքապետարանի նախաձեռնությամբ ու ֆինանսավորմամբ արդիականացվել է Օպերայի և բալետի ազգային ակադեմիական թատրոնի շենքի լուսավորությունը: Այն լուսավորվել է շուրջ 400 LED լուսարձակներով:
Հանդիսավոր արարողությունը ուղեկցվում էր Հայաստանի պետական սիմֆոնիկ նվագախմբի և երգչախմբի կատարումներով՝ Օպերայի և բալետի ազգային ակադեմիական թատրոնի տնօրեն, դիրիժոր Կարեն Դուրգարյանի ղեկավարությամբ։
ԱՅԼ
2007
Նոյեմբերի 16-ին տեղի ունեցավ Հյուսիսային պողոտայի բացման պաշտոնական արարողությունը, որի շինարարությունը սկսվել էր 2002թ.-ին:
1968
Երևանցիներն ու հյուրերը նշեցին քաղաքի 2750-ամյակը։ Արին Բերդ բլրի ստորոտում բացվեց Էրեբունի թանգարանը: Հայ ջուլհակները ստեղծեցին հանրահայտ Էրեբունի գորգը, իսկ Երևանի փորձարարական ծխախոտի կոմբինատը սկսեց «Արին բերդ» և «Էրեբունի» ծխախոտի արտադրությունը, որոնք մեծ տարածում գտան։
