ՊԱՏՄԱՄՇԱԿՈՒԹԱՅԻՆ ՇԵՆՔԵՐ ԵՎ ՎԱՅՐԵՐ
ՀԱՄԱԼՍԱՐԱՆԻ ՀԱՄԱԿԱՌՈՒՅՑ. ՀԱՅԱՍՏԱՆԻ ԱԶԳԱՅԻՆ ՊՈԼԻՏԵԽՆԻԿԱԿԱՆ ՀԱՄԱԼՍԱՐԱՆ, ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
1926, 1933-1971
Համակառույցը
գտնվում է Տերյան փողոցում: Զբաղեցնում է Քանաքեռի սարահարթի ստորոտին գտնվող Ուսանողական
թաղամասի հյուսիսարևմտյան հատվածը:
Համալիրի
տեղադրությունը որոշվել է 1924 թ. կազմված Երևանի գլխավոր հատակագծով (ճարտարապետ՝
Ալեքսանդր Թամանյան):
Շինարարությունը
սկսվել է 1926 թ. քիմիական ֆակուլտետի մասնաշենքի կառուցմամբ: 1929 թ. կառուցվել է
վարչական մասնաշենքը: Առաջին կառույցներից են նաև նախկին ուսանողական հանրակացարանները
(1930-ական թթ.), որոնցից մի քանիսը հետագայում քանդվել են, և դրանց տեղում կառուցվել
են նոր մասնաշենքեր:
1953-1963
թթ. կառուցվել է ինստիտուտի գլխավոր մասնաշենքը, 1960-ական թթ. վերջին՝ գիտահետազոտական
մասնաշենքը, իսկ 1971 թ.՝ ռադիոէլեկտրոնիկայի մասնաշենքը: 1980-ական թթ. կառուցվել
են գրադարանային և սպորտային հատվածները: Մյուս մասնաշենքերի ճարտարապետներն են Սամվել
Սաֆարյանը, Տիրան Մարությանը, Միքայել Մազմանյանը, Գևորգ Քոչարը, Արդվարդ Կանայանը,
Ռաֆայել Իսրայելյանը և ուրիշներ: Համալիրի գլխավոր հատակագծի վրա աշխատել է Արտաշես
Մամիջանյանը:
