ՀՈՒՇԱՐՁԱՆՆԵՐ
ՀՈՒՇԱՐՁԱՆ ԿԱՐԵՆ ԴԵՄԻՐՃՅԱՆԻ
2023 թ.
Քանդակագործ՝ Սարգիս Բաբայան
Ճարտարապետ՝ Լևոն Առաքելյան
Հայ քաղաքական և պետական գործիչ, ՀԿԿ Կենտկոմի առաջին քարտուղար (1974-1988), ՀՀ Ազգային ժողովի նախագահ (1999), ՀՀ ազգային հերոս (հետմահու, 1999) Կարեն Դեմիրճյանի արձանը կանգնեցվել է նրա անունը կրող Երևանի Մարզահամերգային համալիրի դիմաց՝ Լենինգրադյան փողոցին հարող տարածքում: Արձանի հանդիսավոր բացումը տեղի է ունեցել 2023 թ. սեպտեմբերի 9-ին՝ համալիրի կառուցման 40-ամյակին նվիրված միջոցառումների ժամանակ:
Կ.
Դեմիրճյանի արձանը Երևանում տեղադրելու մասին որոշումը կայացվել է դեռևս 2014 թ.: Որոշվել էր արձանը տեղադրել Մաշտոցի պողոտայի հարակից
տարածքում: Քանդակի հեղինակն էր Տիգրան Արզումանյանը (ճարտարապետ՝ Հայկ Ասատրյան, բարձրությունը՝ 3.7 մ նյութը՝ Արցախի սպիտակ մարմար): Հուշարձանի բացումը պետք է կատարվեր Կարեն Դեմիրճյանի
սպանության տարելիցի օրը՝ հոկտեմբերի 27-ին։ Սակայն հետագայում ընդունվեց մեկ այլ ամսաթիվ՝
2016 թ. ապրիլի 17 (Դեմիրճյանի ծննդյան օրը), ապա՝ 2017 թ. ապրիլի 17-ը (նրա ծննդյան 85-ամյակի օրը): Տիգրան
Արզումանյանի հեղինակած արձանն այդպես էլ չտեղադրվեց, քանի որ այն, ըստ շրջանառվող
լուրերի, դուր չէր եկել Դեմիրճյանի ընտանիքի անդամներին:
Ի
վերջո, որոշվել է ամբոջությամբ նոր արձան տեղադրել Մարզահամերգային համալիրի դիմաց:
Նոր արձանի քանդակագործը Սարգիս Բաբայանն է, ճարտարապետը՝ Լևոն Առաքելյանը:
Կ. Դեմիրճյանը
քանդակված է իր կերպարին բնորոշ
շարժման
մեջ,
դեպի
ժողովուրդը
քայլելիս:
Արձանը բրոնզաձույլ է, 3.6 մ բարձրությամբ, պատվանդանի բարձրությունը 1.4-1.6 մ է, ունի թեք հարթակի տեսք՝ նման համալիրի աստիճաններին:
Արձանը
հարգանքի տուրք է հայազգի գործչին:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
