ՀՐԱՊԱՐԱԿՆԵՐ ԵՎ ԱՅԳԻՆԵՐ

Քաղաքաշինական համակցումը՝ ճարտարապետ Լևոն Վարդանյանի

Բացումը՝ 2008 թ. հոկտեմբերի 21

Գտնվում է Կենտրոն վարչական շրջանում՝ Ալեքսանդր Մյասնիկյանի անվան հրապարակի հարևանությամբ՝ Երևանի քաղաքապետարանի դիմաց:

Հրապարակի տեղում նախկինում Իսակովի փողոցն էր՝ եզրային բարձր մայթերով ու տարբեր կառույցներով՝ Աֆրիկյանների նախկին բամբակամամլիչ գործարան (XIX դ.-XX դ. սկիզբ, հետագայում՝ մթերային խանութ, քանդել են 2000-ական թթ. սկզբին, Մոսկվայի տան և հարակից շենքերի կառուցման ժամանակ), բնակելի տուն (XIX դ.-XX դ. սկիզբ, քանդել են 2000-ական թթ. սկզբին), «Արարատ» տրեստի համակառույցը և այլն։

Երևանի քաղաքապետարանի շենքի կառուցումից հետո (2004 թ., ճարտարապետներ՝ Ջիմ Թորոսյան, Ռոմիկ Մարտիրոսյան, կոնստրուկտոր՝ Հենզել Հակոբյան, ՀՀ պետական մրցանակ՝ 2007 թ.) հաստատվել է հրապարակի քաղաքաշինական համակցությունը, որի հեղինակը ճարտարապետ Լևոն Վարդանյանն է։ Հիմնական սկզբունքն այն էր, որ հրապարակին հարող քաղաքաշինական կառույցը պետք է լինի Երևանի քաղաքապետարանի շենքը։ Այնուհետև քաղաքապետարանի շենքի դիմաց կառուցվել են Մոսկվայի տունը (2005 թ., ճարտարապետ՝ Լևոն Վարդանյան, բացումը՝ 01.04.2007 թ.), «Գլաձոր» համալսարանը, «Երևան պլազա» բիզնես կենտրոնը:

Հրապարակի հանդիսավոր բացումը և անվանակոչումը տեղի է ունեցել 2008 թ. հոկտեմբերի 21-ին: Բացումը կատարել են ՀՀ երրորդ նախագահ Սերժ Սարգսյանը և ՌԴ նախագահ Դմիտրի Մեդվեդևը:

 «Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան