ՀՐԱՊԱՐԱԿՆԵՐ ԵՎ ԱՅԳԻՆԵՐ

2006 թ.

Գտնվում է Սայաթ-Նովայի, Մարշալ Բաղրամյան և Մեսրոպ Մաշտոցի պողոտաների հատման հանգույցում՝ Ալեքսանդր Սպենդիարյանի անվան Օպերայի և բալետի ազգային ակադեմիական թատրոնի շենքի դիմաց։

Իբրև քաղաքաշինական հանգույց՝ ստեղծվել է դեռևս խորհրդային տարիներին և հայտնի էր «Օպերայի մերձակա հրապարակ» անվամբ:

2006 թ., «Հայաստանում Ֆրանսիայի օրեր» միջոցառման օրերին անվանակոչվել է «Ֆրանսիայի հրապարակ», որի բացմանը ներկա էին նաև Ֆրանսիայի նախագահ Ժակ Շիրակը և աշխարհահռչակ հայ շանսոնյե Շառլ Ազնավուրը։

2011 թ. Ֆրանիսայի նախագահ Նիկոլա Սարկոզին ի նշան հայ-ֆրանսիական բարեկամության և ՀՀ-ի անկախության 20-ամյակի կապակցությամբ՝ Երևան կատարած իր այցի ժամանակ Հայաստանին է նվիրել է XIX դ. ֆրանսիացի նկարիչ, նատուրալիստական ուղղության ներկայացուցիչ Ժյուլ Բաստիեն-Լըպաժի (1848-1884 թթ.) արձանը, որը հեղինակել է ֆրանսիացի աշխարհահռչակ քանդակագործ Օգյուստ Ռոդենը, 1887 թ.: Արձանը տեղադրվել է Ֆրանսիայի հրապարակի կենտրոնական մասում: Հանդիսավոր բացումը տեղի է ունեցել 2011 թ. հոկտեմբերի 7-ին:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան