ՀՈՒՇԱՐՁԱՆՆԵՐ
ԺՅՈՒԼ ԲԱՍՏԻԵՆ-ԼԸՊԱԺԻ ԱՐՁԱՆԸ (ՀՈՒՇԱՐՁԱՆ ՀԱՅ-ՖՐԱՆՍԻԱԿԱՆ ԲԱՐԵԿԱՄՈՒԹՅԱՆ)
1887 թ.
Քանդակագործ՝ Օգյուստ Ռոդեն
Երևանում տեղադրվել է 2011
թ.
XIX դ. ֆրանսիացի նկարիչ, նատուրալիստական ուղղության ներկայացուցիչ Ժյուլ Բաստիեն-Լըպաժի (1848-1884 թթ.) արձանը տեղադրված է Մաշտոցի, Մարշալ Բաղրամյան և Սայաթ-Նովա պողոտաների հատման հատվածում գտնվող Ֆրանսիայի հրապարակում՝ սիզամարգի մեջ: Հեղինակել է ֆրանսիացի նշանավոր քանդակագործ Օգյուստ Ռոդենը, 1887 թ.:
Արձանը կանգնեցված
է եղել Ֆրանսիայի Լոթարինգիայի մարզի Դանվիլյե բնակավայրում՝ նկարչի ծննդավայրի եկեղեցու բակում:
Այն Ֆրանիսայի նախագահ
Նիկոլա Սարկոզին նվիրել է Հայաստանին 2011 թ. Երևան կատարած իր այցի ժամանակ, ի նշան հայ-ֆրանսիական բարեկամության
և ՀՀ-ի անկախության 20-ամյակի կապակցությամբ։ Հանդիսավոր բացումը տեղի է ունեցել 2011 թ. հոկտեմբերի
7-ին:
Բաստիեն-Լըպաժի բրոնզաձույլ
արձանը տեղադրված է ֆելզիտե պատվանդանի վրա: Նկարիչը պատկերված է կանգնած դիրքով, ոտքերը
լայն բացած, ներկապնակը ձախ ձեռքին, վրձինը՝ աջ: Պատվանդանի դիմային երեսին հայերեն
և ֆրանսերեն արձանագրված է՝
ՕԳՅՈՒՍՏ ՌՈԴԵՆ. / ՆԿԱՐԻՉ
/ ԺՅՈՒԼ ԲԱՍՏԻԵՆ-ԼԸՊԱԺ:
Պատվանդանի հետին նիստին
գրված է՝ BY MUSEE RODIN, 1903:
Հուշարձանի շուրջը բարեկարգված է, կանաչապատ:
