ՀՈՒՇԱՐՁԱՆՆԵՐ

1985 թ.,

Պետ. ցուցիչ՝ 1.12.12

Ճարտարապետ՝ Էդուարդ Սաֆարյան

Քանդակագործ՝ Սերժ Մեհրաբյան

V–VI դդ. հայ փիլիսոփա, նեոպլատոնականության հետևորդ, հին հայկական փիլիսոփայության աշխարհիկ ուղղության հիմնադիր Դավիթ Անհաղթի հուշարձանը գտնվում է նույնանուն զբոսայգում: Դեմքով ուղղված է դեպի Դ. Անհաղթի փողոց: Տեղադրված է պատվանդանին:

Մեծ մտածողը ներկայացված է նստած դիրքով, երկար հագուստով, աջ ձեռքով բռնել է մորուքը, արմունկի տակ հաստափոր գիրքն է, որի վրա փորագրված է «ՃԱՆԱՉԻՐ ՀՈԳՈՒԴ ԳԱՆՁԵՐԸ ՄԱՔՈՒՐ…» նախադասությունը, որը խորհրդանշում է Անհաղթի «Սահմանք իմաստասիրութեան» աշխատությունը: Ձախ ձեռքը հենել է ծնկին, խոհուն հայացքը սևեռել Մասիսին:

Պատվանդանը կերտված է կարմրավուն գրանիտից, չափերն են՝ 1,75 x 2 x 0,85 մ: Արձանը բրոնզաձույլ է, մոտ 3 մ բարձրությամբ:

Հայ ժողովրդի հարգանքի տուրքն է վաղ միջնադարի իր նշանավոր զավակին:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան