ՀՈՒՇԱՐՁԱՆՆԵՐ

2012

Քանդակագործ՝ Տիգրան Արզումանյան

Հայ նշանավոր գործարար և բարերար, նավթարդյունաբերող, Թիֆլիսի առևտրական բանկի գլխավոր բաժնետեր, Մանթաշյանց առևտրական բաժնետիրական տան և Մանթաշյան ա­ռևտրական դպրոցի հիմնադիր, Կովկասի հայոց բարեգործական ընկերության ցկյանս պատվո նա­խագահ, արվեստի ու գիտության հովանավոր, Ֆրանսիայի Պատվո լեգեոնի ասպետի շքանշանակիր (պարգևատրվել է Փարիզի Սուրբ Հովհաննես Մկրտիչ հայկական եկեղեցու կառուցումը ֆինանսավորելու համար) Ալեքսանդր Մանթաշյանցի (Մանթաշով, 1842-1911) հուշարձանը տեղադրվել է Աբովյան փողոցում՝ Սուրբ Կաթողիկե և Սուրբ Աննա եկեղեցիների հարևանությամբ: Հուշարձանը տեղադրված է շրջանաձև պատվանդանի վրա: Բրոնզաձույլ է, ունի 3 մ բարձրություն։