ՀՅՈՒՐԱՆՈՑՆԵՐ
«Radisson Blu Hotel Yerevan» հինգաստղանի հյուրանոցը գտնվում է Հաղթանակի զբոսայգու մոտ՝ Ազատության պողոտայում։
Ի սկզբանե հյուրանոցը բացվել է 2005 թվականին որպես «Golden Palace Yerevan» հյուրանոց։ 2014-2016 թվականներին հյուրանոցն ընդլայնվել և բարեկարգվել է։ Վերաբացվել է 2016 թվականի հուլիսին որպես «Radisson Blu Hotel Yerevan»:
Հյուրանոցը գտնվում է բլրի վրա, որտեղից բացվում է գեղեցիկ տեսարան դեպի Երևանի կենտրոն և Արարատ լեռ։
Հյուրանոցում գործում է «Տեռա-ՍՊԱ» համալիրը, որն ներառում է սպա-խնամքի 7 խցիկ, չոր սաունա, ֆիթնես կենտրոն և թենիսի կորտ։
Կենտրոնի տարածքում գործում է նաև փակ լողավազան, որը Երևանի հյուրանոցային լողավազաններից ամենամեծն է։
Հյուրանոցի ռեստորանը այցելուներին առաջարկում է հայկական և միջազգային խոհանոցի ուտեստների լայն տեսականի:
Կենտրոնական մասնաշենքում առկա են 6 կոնֆերանս դահլիճներ, որոնք լավագույնս հարմարեցված են գործնական և հասարակական հանդիպումների համար։
