ԲԼՈԳ
Երևանը՝ զբոսաշրջային կրթական կենտրոն. վերապատրաստման դասընթացներ զբոսավարների համար
Ծրագրի նպատակն է Երևանը դարձնել զբոսաշրջային կրթական կենտրոն:
Երևանի քաղաքապետարանի աջակցությամբ և «Հայ զբոսավարների գիլդիա» ՀԿ նախաձեռնությամբ անցկացվել է քաղաքային զբոսավարների վերապատրաստման ծրագիր:
5-օրյա դասընթացին մասնակցել են մայրաքաղաքի 6 քույր քաղաքներից, նաև մարզերից ու Լեռնային Ղարաբաղից տեղահանված զբոսավարներ: Ծրագրի մասնակիցները վերազինել են իրենց մասնագիտական ու գործնական գիտելիքները, ծանոթացել մայրաքաղաքի զբոսաշրջային ներուժին, այցելել քաղաքի թանգարաններ ու տեսարժան վայրեր:
Դասընթացներն անցկացրել են միջազգային (WFTGA) որակավորում ունեցող ազգային և միջազգային մասնագետները:
Երևանի պատմության թանգարանում ամփոփիչ միջոցառմանը քաղաքապետարանի մշակույթի և տուրիզմի վարչության տուրիզմի բաժնի պետ Սեդա Աղբալյանն ու ՀՀ ԷՆ Զբոսաշրջության կոմիտեի նախագահ Սիսիան Պօղոսեանը զբոսավարներին հանձնել են հավաստագրերն ու ընդգծել, որ ծրագիրը լինելու է շարունակական:
«Մեր նպատակն է Երևանը դարձնել զբոսաշրջային կրթական կենտրոն: Վստահ եմ, որ, տարեցտարի զբոսաշրջիկների թվի ավելացմանը զուգահեռ, կավելանա նաև զբոսավարների թիվը: Քաղաքապետարանն էլ իր հերթին պատրաստ է աջակցել մայրաքաղաքի պատմության ու մշակույթի հանրահռչակման նախագծերին»,-նշել է Սեդա Աղբալյանը:
