ԲԼՈԳ

Եկեք վայելենք կախարդական և հեքիաթային օրեր միասին..

Ամանորյա շունչ, տոնական զարդարանքներ, բարձր տրամադրություն, ժպտացող մարդիկ և, իհարկե, ամենատարբեր ու գրավիչ վաճառասեղաններ։ Ձմեռային տոնավաճառները ջերմ ավանդույթ են դարձել շատ երկրներում և մշակույթներում: 

Երևանի մի շարք փողոցների եռուզեռն ու տոնական իրարանցումը փաստում են, որ բացվել են Սուրբծննդյան տոնավաճառները: Ուրախ մթնոլորտն ու ապրանքների լայն տեսականին, ինչպես նաև տոնական ուտեստներն ու ըմպելիքները, Սուրբծննդյան տոնավաճառները ժամանցի յուրահատուկ վայր են դարձնում ողջ ընտանիքի համար: 

Բաց մի´ թողեք ձեր սիրելիների համար հետաքրքիր և ինքնատիպ նվերներ ձեռք բերելու հնարավորությունը:

Այս տարի Երևանում գործում են Սուրբծննդյան տոնավաճառների լայն տեսականի` նախատեսված ցանկացած տեսակի այցելուի համար:

ՍՈՒՐԲԾՆՆԴՅԱՆ ՄԵԾ ՏՈՆԱՎԱՃԱՌ «COCA-COLA»-Ի ՀԵՏ 2023-2024

📍 Կարեն Դեմիրճյանի անվան մարզահամերգային համալիր

📆 Դեկտեմբերի 20, 21, 22, 23, 24

🕛 12:00-23:00

Գրանցման հղումը:

Տոնավաճառում ներկայացված են 280-ից ավել կազմակերպություններ՝ ամանորյա առաջարկներով:

Բոլոր այցելուները հնարավորություն ունեն`

• ծանոթանալու մասնակից ընկերությունների կողմից ներկայացվող առաջարկներին, պրոդուկտներին և ծառայություններին
• գնումներից առաջ համտեսելու ներկայացված մթերքներն ու խմիչքները
• ստանալու ինֆորմացիա տվյալ կազմակերպության ներկայացվածության մասին՝ հետագայում գնումներ կատարելու նպատակով;
• ծանոթանալու ամանորյա դիզայնի և դեկորացիայի տեսականուն;
• տեղում ձեռք բերելու Ամանորի համար անհրաժեշտ ամեն ինչ` հատուկ առաջարկներով;
• անցկացնելու 5 անմոռանալի օր՝ ամանորյա հեքիաթային միջավայրում և ամենօրյա հագեցված և չկրկնվող ծրագրերի և մաստեր-կլասսերի մասնակիցը լինելու;
• ծանոթանալու իրական Սանտա Կլաուսի հետ՝ հենց Սանտայի ամենամեծ տնակում
  

Ցուցահանդեսի տարածքում ներկայացված է նաև «Արցախ աշխարհ» անկյունը:

Սպասվում են բազմաթիվ նվերներ, հյուրասիրություններ և անկանկալներ, այդ թվում նկարվելու անվճար անկյուն՝ իրական Santa Claus-ի հետ (Photo zone):

ՍՈՒՐԲԾՆՆԴՅԱՆ ՏՈՆԱՎԱՃԱՌ «ԴՎԻՆ ՄՅՈՒԶԻՔ ՀՈԼ»-Ի ՑՈՒՑԱՍՐԱՀՈՒՄ 

📍 «Դվին» մյուզիք հոլի ցուցասրահ (Պարոնյան 40)

📆 Դեկտեմբերի 23, 24

🕛 12։00-20։00

Ներկայացված են լինելու ամանորյա զարդարանքներ, խաղալիքներ, հուշանվերներ, քաղցրավենիք և համեղ ուտեստներ։

ՍՈՒՐԲԾՆՆԴՅԱՆ ՑՈՒՑԱՀԱՆԴԵՍ-ՎԱՃԱՌՔ «ՀԵՆՐԻԿ ԻԳԻԹՅԱՆԻ ԱՆՎԱՆ ԳԵՂԱԳԻՏՈՒԹՅԱՆ ԱԶԳԱՅԻՆ ԿԵՆՏՐՈՆ»-ՈՒՄ

📍 Հենրիկ Իգիթյանի անվան Գեղագիտության ազգային կենտրոն (Աբովյան 13)

📆 Դեկտեմբերի 1-18-ը՝ Հենրիկ Իգիթյանի անվան Գեղագիտության ազգային կենտրոնում 🕛 11:00- 20:00

📆 Դեկտեմբերի 20-25-ը՝ «Liver» ընկերության ցուցասրահում 🕛 10:00-18:00

Ցուցահանդես-վաճառքում ներկայացված են հայ և օտարերկյա ավելի քան 50 ժամանակակից արվեստագետների շուրջ 150 աշխատանքներ՝ կտավների, քանդակների, լուսանկարների մատուցմամբ։

ՍՈՒՐԲԾՆՆԴՅԱՆ ՏՈՆԱՎԱՃԱՌ «ԱՌՆՈ ԲԱԲԱՋԱՆՅԱՆ ՀԱՄԵՐԳԱՍՐԱՀ»-ՈՒՄ 

📍 Առնո Բաբաջանյան համերգասրահ (Աբովյան 2)

📆 Դեկտեմբերի 21-24

🕛 12:00- 22:00

Ձեր Ամանորյա նվերները` ինչպես ընկերների և հարազատների, այնպես էլ Secret Santa-ի համար, կարող եք ձեռք բերել մարկետում ներկայացված հազարավոր տեսականուց:

ՍՈՒՐԲԾՆՆԴՅԱՆ ՏՈՆԱՎԱՃԱՌ «ՍԻԶԸՆՍ ՊԱՐԿՈՒՄ ՍԹԵՅՇՆ»-ՈՒՄ

📍 Երևանի Դիանա Աբգարի անվան զբոսայգի (Մաշտոցի 15/5)

📆 Դեկտեմբերի 1-ից հունվարի 15-ը

«Սիզընս Փարկ Սթեյշն»-ի ընդհանուր գաղափարը  երկաթուղային կայարան է հիշեցնում  տարբեր կանգառներով՝ սիրո, երջանկության, ժպիտների և նվերների: Յուրաքանչյուր կանգառում դրական հույզեր, էմոցիաների և ընկերների ու սիրելի մարդկանց հետ երջանիկ պահեր ապրելու միջավայր է ստեղծված։

Այգում գտնվող վագոն-տաղավարներից այցելուները կարող են ձեռք բերել նվերներ իրենց սիրելիների համար, համեղ քացրավենիք,  սուրճ, թեյ և այլն:

ՍՈՒՐԲԾՆՆԴՅԱՆ ՏՈՆԱՎԱՃԱՌ «2750-ԱՄՅԱԿԻՆ ՆՎԻՐՎԱԾ ՇԱՏՐՎԱՆՆԵՐԻ ՊՈՒՐԱԿ»-ՈՒՄ

📍 Երևանի 2750-ամյակին նվիրված շատրվանների պուրակ

📆 Դեկտեմբերի 15-ից

Տաղավարներում ներկայացված են Ամանորին և Սուրբ Ծննդյանը նվիրված խորհրդանիշեր, տոնական զարդարանք և հուշանվերներ, քաղցրավենիքի մեծ տեսականի՝ ամանորյա հրուշակեղեն, շոկոլադի տեսականի, տարբեր մրգերից պատրաստված չրեր, տաք գինի: Վաճառվում են նաև գրքեր, բացիկներ, գրենական պիտույքներ, տիկնիկներ, խաղալքիներ: