ԵՐԵՎԱՆԻ ԺԱՄԱՆԱԿԱԳՐՈՒԹՅՈՒՆԸ
1919
«Երևանի պետական համալսարանի» հիմնադրում:
1919 թվականի մայիսի 16-ին Հայաստանի Առաջին Հանրապետության Նախարարների խորհուրդը, քաղաքական գործիչ Սիրական Տիգրանյանի ակտիվ մասնակցությամբ, որոշում է կայացրել Երևանում համալսարան հիմնել՝ պատմալեզվաբանական, տնտեսաիրավաբանական, բժշկական, ֆիզիկամաթեմատիկական ֆակուլտետներով։ Համալսարանի առաջին ռեկտոր է նշանակվել պրոֆեսոր Յուրի Ղամբարյանը (1919–20)։
ԱՅԼ
2-1 ՀԱԶԱՐԱՄՅԱԿ Մ.Թ.Ա.
Հնագետները պարզել են, որ Աղվեսաբերդ (Աղվեսի ամրոց) կիկլոպյան որմնադրությունը թվագրվում է մ.թ.ա. 2-1 հազարամյակներով: Աղվեսաբերդը գտնվում է Նոր Նորքի 1-ին զանգվածում՝ Երևանի կենդանաբանական այգուց ոչ հեռու՝ Ավանի կիրճում:
7-ՐԴ ԴԱՐ Մ.Թ.Ա.
Կարմիր բլուրը Ուրարտուի հնագույն թագավորության Անդրկովկասյան գավառների մայրաքաղաքն էր: Ամբողջ տարածքը գտնվում էր զարգացման փուլում: Փորվել էին ոռոգման ջրանցքներ, ստեղծվել էին արհեստական պահեստային լճակներ, հիմնվել էր Թեյշեբաինի ամրոցը՝ Կարմիր բլրի վրա:
