ՍՏԵՂԾԱԳՈՐԾԱԿԱՆ ՄԻՈՒԹՅՈՒՆՆԵՐ
Պետ. ցուցիչ՝ 1.6.160
Ճարտարապետներ՝ Էդուարդ Սարապյան, Աշոտ Ղազարյան, Էդուարդ Ալթունյան
Պատվիրատու՝ Հայաստանի կոմպոզիտորների միության երաժշտական ֆոնդ
Շինարարական կազմակերպությունը՝ Հայկական ԽՍՀ արդյունաբերական շինարարության մինիստրություն
Շենքը գտնվում է Դեմիրճյան փող., 25 հասցեում` Կոզերնի բլրի աե թեքության վրա, Պուշկինի փողոցի առանցքով: Հայաստանի
կոմպոզիտորների միությունն ստեղծվել է 1932 թ., շենքը կառուցվել է 1955 թ.:
Հորինվածքային լուծումը բխում է տեղանքի առանձնահատկություններից և արտահայտում է շենքի տարածական դիրքորոշումը: Սարյան փողոցից դեպի շենք տանում է աստիճանաշարը, Դեմիրճյան
փողոցի կողմից այն գտնվում է անցման մասից ցածր մակարդակի վրա: Դեպի կողմնային մուտքեր
տանում են արտաքին երկքայլ սանդուղքները: Պուշկինի փողոցի կողմում կառույցի ընդհանուր մակերեսից դուրս եկող կիսաշրջանաձև հատվածն ավարտվում է ռոտոնդայով, որտեղից բացվում է քաղաքի գեղեցիկ համայնապատկերը:
Շենքի կետրոնական մասի առաջին և երկրորդ հարկերում տեղավորված է Կոմպոզիտորների միության վարչական մասը, իսկ երրորդ հարկում՝ 200-տեղանոց դահլիճը: Կողային թևերում բնակելի սենյակներն են (2-3 սենյականոց բնակարաններով քառահարկ երկու բաժանմունքներ): Դեպի Պուշկինի փողոց բնակելի սենյակներն ունեն սյունաշարով պատշգամբներ:
Շենքը քարից է, միդիս շարվածքով, օգտագործվել է երկաթբետոն: Ճակատները երեսապատված են Անիի նարնջագույն տուֆով և մասամբ սվաղված են: Դրանց
հարդարանքում օգտագործվել են ազգային ճարտարապետության տարրեր:
Քաղաքի կարևոր հասարակական կառույցներից է, ստեղծագործական
միության շենք, ուր փորձ է արվել համատեղել վարչական և բնակելի հատվածները:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
