ՍՏԵՂԾԱԳՈՐԾԱԿԱՆ ՄԻՈՒԹՅՈՒՆՆԵՐ
Պետ. ցուցիչ՝ 1.6.178.3.4
Ճարտարապետ՝ Ռաֆայել Իսրայելյան
Շենքը գտնվում է Շառլ Ազնավուրի անվան հրապարակում՝ «Մոսկվա» կինոթատրոնի հարևանությամբ, Աբովյան փողոց, 16 հասցեում: Կցակառուցված է «Գոլդեն Թուլիպ Գրանդ Հոթել» (նախկինում՝ «Ինտուրիստ», ապա՝ «Երևան») հյուրանոցին՝ որպես դրա շարունակությունը:
Նկարիչների միությունն ստեղծվել է
1932 թ. նոյեմբերի 10-ին: Տունը կառուցվել է
1959 թ.: Նրա ուղղանկյուն ծավալը, որն
ավարտում է հյուրանոցը հարավ-արևելքից, տեղադրված է մի քիչ խորքում: Ճակատը լուծված
է կլոր համամասնություններով՝ կրկնելով հյուրանոցի կիսակլոր մասի եռաստիճան բաժանումը:
Միջին բարձր մակարդակը առանձնացված է երկու զույգ որմնասյուներով, որոնք կրկնում են
հյուրանոցի կիսակլոր մասի հոնիական ոճի սյուների հորինվծքն ու չափերը:
Շենքի և ցուցասրահների
ներքին տարածությունը զուսպ է լուծված: Հատակի և աստիճանների մուգ կարմիր գրանիտը և
պատերի չեզոք մոխրագույնը, սրահների պարզ ձևերը ստեղծում են անհրաժեշտ գունային և տարածական
միջավայր՝ հաճախակի փոփոխվող ցուցանմուշների հարմարավետ տեղադրության համար: Հրապարակի
կողմից աստիճանները տանում են գլխավոր մուտք և նախասրահ, որի խորքում գտնվում է ցուցասրահը:
Ցուցասրահի հատակի մակարդակը
նախասրահի հատակի մակարդակից փոքր-ինչ ցածր է: Սրահի մուտքի դիմաց կան երկրորդ և երրորդ
հարկեր տանող աստիճանավանդակներ: Երկրորդ հարկի սրահը տեղադրված է անմիջապես ներքևի
սրահի վրա: Ունի բնական լուսավորում վերևից:
Նկարիչների տան ցուցարահը կառուցվել է Զալխանի պարսկական մզկիթի (1649 թ., վերակառուցված՝ 1687 թ.) տարածքում:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
