ՀՈՒՇԱՐՁԱՆՆԵՐ

1995 թ.

Պետ. ցուցիչ՝ 1.6.118

Ճարտարապետ՝ Ասլան Մխիթարյան

Քանդակագործ՝ Լևոն Թոքմաջյան

Վերաբացված՝ 2021 թ. մարտի 15-ին

Հայ կրկեսի դերասան, մնջախաղի մեծ վարպետ, ծաղրածու, ՀԽՍՀ ժողովրդական արտիստ (1971) Լեոնիդ Ենգիբարյանի (1935-1972) հուշարձանը կանգնեցված է նրա անունը կրող պուրակում` Երևանի Կրկեսի շենքի դիմաց` պատվանդանին: Պուրակն անվանակոչվել է Երևանի ավագանու որոշմամբ, 2020 թ. ապրիլին և բարեկարգվել:

Արձանը սկզբնապես տեղադրված է եղել Ագաթանգեղոսի 1 հասցեում գտնվող Երևանի կրկեսի հին շենքի արևմտյան ճակատի մոտ` մուտքի ձախակողմում: 2012 թ. կրկեսի շենքի հիմնակառուցման ժամանակ արձանն ապամոնտաժել են, տեղափոխել դիմացի պուրակ և վերատեղադրել պատվանդանին 2021 թ. մարտի 15-ին, երբ շենքի վերակառուցման աշխատանքները դեռ չէին ավարտվել:

Հուշարձանը բրոնզաձույլ է, ունի 2.5-2.6 մ բարձրություն՝ դրված 1 մ բարձրությամբ վարդագույն, կոպտատաշ, բազալտե պատվանդանի վրա: Ենգիբարյանը պատկերված է ողջ հասակով, գլուխը ձախ թեքած, ձեռքերով ուսերը գրկած: Գծագրվում են հագուստի մանրամասները՝ կարճ թևքերով վերնաշապիկը, վզկապը, տաբատը:

Հուշարձանն աչքի է ընկնում պլաստիկական լուծումների նրբագեղությամբ:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան