ՀՈՒՇԱՐՁԱՆՆԵՐ

2004

Քանդակագործ՝ Լևոն Թոքմաջյան

Ճարտարապետ՝ Ռազմիկ Օհանյան

Հայոց թագավոր, պետական և ռազմական գործիչ Տիգրան Մեծին նվիրված հուշարձանը գտնվում է Երևանի Նոր Նորք վարչական շրջանի Տիգրան Մեծ զբոսայգում։ Քանդակը մարմարից և գրանիտից է, բարձրությունը՝ 5 մ։ Տիգրան Մեծի (մ.թ.ա. 95-55) տերությունը տարածվում էր Կասպից ծովից մինչև Միջերկրական ծով, Կովկասյան լեռներից մինչև Միջագետքի անապատները։ Նա կրել է «արքայից արքա» տիտղոսը։

Հուշարձանը տեղադրվել է 2004 թ., պաշտոնական բացումը տեղի է ունեցել 2005 թ. նոյեմբերի 18-ին։ Սա Երևանում Տիգրան Մեծի երկրորդ արձանն է, առաջինը գտնվում է Հանրապետության Նախագահի նստավայրի տարածքում։